اقش پرەزيدەنتى جانە قورعانىس ءمينيسترى. فوتو: The New York Times.

اقش پرەزيدەنتى قاڭتار ايىنان بەرى العاش رەت «اقش-تىڭ اۋعانستان مەن وڭتۇستىك ازياعا ارالاسۋى» بەكىمىن تەلەارنادا جاريا ەتۋگە دايىن. بۇل تۋرالى «The New York Times» باسىلىمى جازدى.

ترامپ الدا اتالعان اۋماقتاعى اسكەر سانىن كوبەيتپەك. سونداي-اق، وبامانىڭ اۋعانستان مەن وڭتۇستىك ازياداعى ساياساتىن سىنعا الا وتىرىپ، ءوزىنىڭ ساياسي بەدەلىن ارتتىرۋعا تىرىساتىن بولادى دەپ كۇتىلۋدە.

اقش اسكەري لاۋازىمدىلارىنىڭ بەرگەن مالىمەتىنە سەنەر بولساق، اۋعانستان ۇكىمەتىنىڭ ارمياسى ءالى دە ءوز ەلىن قورعاۋعا قاۋقارسىز ەكەن. ولار ترامپپەن سويلەسۋدەن بىرنەشە ساعات بۇرىن، تاليبان كۇشتەرى اۋعانستاننىڭ سولتۇستىگىندەگى ايماقتىڭ ۇكىمەت ءۇيىن باسىپ العان.

اقش-تىڭ قورعانىس ءمينيسترى جەيمس ماتتيس قازىرگى كەزدە يوردانيادا ساپاردا. سونداي-اق، وسى اپتادا اقش قورعانىس ءمينيسترى تۇركيا مەن ۋكرايناعا ساپارلاي بارۋدى جوسپارلاپ وتىر.

“The Qazaq Times”