موسۋل شايقاسى باستالعان كەز. فوتو: eremnews.com.

يراك ۇكىمەتىنىڭ كەشەگى تاراتقان مالىمەتىنە قاراعاندا سول ەلدە «يسلام مەملەكەتى» سودىرلارىنىڭ ءالى دە بولسا 7000 ادامى بار ەكەنىن، ولاردىڭ كوبى ەلدىڭ سولتۇستىگىنە ورنالاسقانىن ايتتى. قازىر يراك ۇكىمەت ارمياسى تازالاۋ وپەراتسياسىن باستاپ كەتكەن. بۇل تۋرالى قىتايلىق «حالىق» باسىلىمىنىڭ ونلاين قىزمەتى حابارلايدى.

يراكتىڭ قاۋىپسىزدىك جانە قورعانىس تاراۋلارىنىڭ حابارىنا قارعاندا، ەلدىڭ ەكىنشى ۇلكەن قالاسى موسۋل ازات بولعانىمەن، سولتۇستىك ايماقتاردى نەگىز ەتكەن «يسلام مەملەكەتى» قالدىق كۇشتەرىنەن 7000 ادام بار. يراكتىڭ «Morning News» باسىلىمى بارلاۋ اگەنتتىگىنىڭ اعا لاۋازىمدى ادامدارىنا سىلتەمە جاساي وتىرىپ، ديالا پروۆينتسياسىندا ورنالاسقان سودىرلاردىڭ ۇلكەن سانى انىقتالعانىن ءمالىم ەتتى.  2 تامىزدان باستاپ، قارۋلى كۇشتەر ولاردى قورشاۋعا الا باستاعان.

اتالعان باسىلىمنىڭ كورسەتكەن مالىمەتىنە سۇيەنسەك، سولتۇستىك يراك Tal-افار ايماقتارىندا نينەۆي پروۆينتسياسىندا ورنالاسقان IS سودىرلارىنىڭ سانى 2000 شاماسىندا. يراك پرەمەرى قارۋلى كۇشتەردىڭ قولباسشىلىعىنا ايماقتى سودىرلاردان الاستاۋ تۋرالى پارمەن تۇسىرگەن.

“The Qazaq Times”