وزبەكستاننىڭ بۇرىنعى پرەزيدەنتى يسلام كارىموۆتىڭ قىزى گۇلنارا كارىموۆانىڭ قورعاۋشىسى (ادۆوكاتى) گرەگۋار مانجا، شۆەيتساريا باس پروكۋراتۋراسىنا كارىموۆانىڭ ۇستىنەن قوزعالعان قىلمىستىق ءىستى توقتاتۋىن سۇرادى.

«مەن گۇلنارا كارىموۆانىڭ قاماۋعا الىنعاندىعى جايىندا حاباردارمىن. قازىرگى تاڭدا ءبىز ونىڭ قايدا ەكەنىن بىلمەيمىز. بىزگە گۇلنارا حانىمنىڭ قايدا جەردە ەكەندىگى جايىندا رەسمي ورگاندار ەشقانداي اقپارات بەرمەدى. سول سەبەپتى مەن شۆەيتساريا باس پروكۋراتۋراسىنان گۇلنارا كارىموۆانىڭ ۇستىنەن قوزعالعان قىلمىستىق ءىستى توقتاتۋىن سۇرادىم» - دەدى گرەگۋار مانجا جۋرناليستەر الدىندا سويلەگەن سوزىندە.

ەستەرىڭىزگە سالايىق، شىلدەنىڭ 28 كۇنى وزبەكستان باس پروكۋراتۋراسى يسلام كارىموۆتىڭ ۇلكەن قىزى گۇلنارا كارىموۆانىڭ ۇستىنەن وزبەكستان قىلمىستىق كودەكسىنىڭ 6 بابى بويىنشا ءىس قوزعالىپ، قاماۋعا الىنعاندىعى جايىندا مالىمدەگەن بولاتىن.

“The Qazaq Times”