«وڭتۇستىك كورەيا پرەزيدەنتى پاك كىن حەنىڭ اينالاسىنداعى سىبايلاس جەمقورلىققا قاتىستى داۋ Samsung كومپانياسىنا دا جەتتى. تەرگەۋشىلەر كومپانيانىڭ توپ مەنەدجەرى ءارى حولدينگ باسشىسىنىڭ ۇلى لي چە ءيوندى تەرگەۋگە الماق»، – دەپ مالىمدەيدى BBC News.
تەرگەۋشىلەر لي چە يوننەن كۇدىكتى رەتىندە بەيسەنبى كۇنى ساۋالناما جۇرگىزبەك. ولاردىڭ (تەرگەۋ جۇمىستارىن جۇرگىزۋشىلەر) ويىنشا، Samsung قايىرىمدىلىق رەتىندە پرەزيدەنتتىڭ قۇربىسى چحۆە سۋن سيل باسقاراتىن جەكەمەنشىك كومپانياعا ۇلكەن كولەمدە قاراجات اۋدارعان.
لي چە يون – اكەسىنىڭ دەنساۋلىعىنا بايلانىستى، Samsung كومپانياسىنىڭ پرەزيدەنتى قىزمەتىن اتقارادى.
ۇلكەن سىبايلاس جەمقورلىق تۋرالى داۋ تۋدىرعان وسى ۋاقيعالار پاك كىن حەنىڭ يمپيچمەنت جاريالاۋىنا اكەلىپ سوقتى. [«يمپيچمەنت» دەگەنىمىز – بىرقاتار شەت ەلدەردەگى اعا لاۋازىمدى تۇلعالاردىڭ جاۋاپكەرشىلىگىن جۇزەگە اسىرۋ ءۇشىن قابىلداناتىن ارنايى ءتارتىپ. رەد.] قۇربىسى چحۆە سۋن سيل وسىنداي ءىرى حولدينگتەرگە قاراجات اۋدارۋىنا كۇشتەپ قولقا سالعان كورىنەدى. ولاردىڭ ىشىندە Samsung كومپانياسى دا بار.
كومپانيا داۋلى مامىلەگە بايلانىستى بيلىك تاراپىنان قولداۋ كۇتكەن. الايدا، تەرگەۋشىلەر بۇل قايىرىلىمدىلىق فوندىن پارا رەتىندە قابىلداۋعا دا بولاتىنىن جوققا شىعارمايدى.
لي چە يون رەسمي تۇردە Samsung-تىڭ ۆيتسە-پرەزيدەنتى قىزمەتىن اتقارادى. بىراق كومپانيا پرەزيدەنتى ونىڭ اكەسى لي گون حي ينفاركت العاندىقتان، ازىرگە كومپانيا باسشىسى سانالادى.
ايتا كەتەيىك، Samsung – جوعارى تەحنولوگيالى ەلەكترونيكا، ءموبيلدى تەلەفون، تەلەديدار، مونيتور مەن تۇرمىستىق تەحنيكالار وندىرەتىن الەمدەگى ءىرى ءوندىرۋشى كومپانيالاردىڭ ءبىرى.
اۋد. گۇلىم رىسقۇل
"The Qazaq Times"
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى