فوتو: vip76.mn

مونعوليا پرەزيدەنتى حالمااگين باتتۋلگا انتيكورۋپتسيالىق ۆەدومستۆا باسشىلارىن سىنعا الدى دەپ حابارلايدى مونتسامە اقپارات اگەنتتىگى.

مونعوليا جەمقورلىققا قارسى ۆەدومستۆوسىنىڭ باس كوميسسارى ح. ەنحجارگال مەن ونىڭ ورىنباسارى تس. نيامدورجدى قابىلداعان حالمااگين باتتۋلگا، ۆەدومستۆا جۇمىسىنا كوڭىلى تولمايتىنىن ايتىپ، وتكەن جىلى مونعوليا قوعامىندا ۇلكەن داۋ تۋدىرعان 60 ميلليارد توگرىككە (مونعوليانىڭ ۇلتتىق ۆاليۋتاسى - رەد.) بايلانىستى تەكسەرۋلەردىڭ نەگە تۇرالاپ قالعاندىعى جايىندا سۇراعان.

كەزدەسۋ بارىسىندا حالمااگين باتتۋلگا قوعام تالقىسىنا تۇسكەن بۇل ءىستىڭ ماڭىزدىلىعىن العا تارتىپ، جەمقورلىققا قارسى ۆەدومستۆو باسشىلارىنا قىسقا ۋاقىت ارالىعاندا 60 ميلليارد توگىرەك توڭىرەگىندەگى داۋعا نۇكتە قويۋ كەرەكتىگىن ايتقان.

60 ميلليارد توگىرەككە (24,8 ملن دوللار) بايلانىستى داۋ وسىدان ءبىر جىل بۇرىن بۇقارالىق اقپارات قۇرالدارى بەتتەرىندە جاريالانعان قۇپيا اۋديودان كەيىن شىققان بولاتىن. وندا مونعوليا حالىقتىق پارتياسىنىڭ باسشىلارى 60 ميلليارد توگىرەكتى مەملەكەتتىك قىزمەتتەردى ساتۋ ارقىلى تابۋعا بولاتىنى جايىندا اڭگىمە قوزعاعان.

بۇدان بولەك باتتۋلگا ەنحجارگال مەن نيامدورجعا ءوزىنىڭ پرەزيدەنت سايلاۋىنا قاتىسپاي تۇرعاندا وسى ىسكە بايلانىستى جەمقورلىققا قارسى ۆەدومستۆو باسشىلىعىنا حات جولداعانىن، وعان وسى ۋاقىتقا دەيىن ەشقانداي جاۋاپ الا الماعانىن جەتكىزگەن.

“The Qazaq Times”