يزرايل-پالەستينا اراسىنداعى قاقتىعىس بىتپەس جاۋلىققا ۇلاستى

كوپ جىلدان بەرى تىنىشتالىپ قالعان يزرايل-پالەستينا اراسىنداعى قاقتىعىس سوڭعى كەزدەرى قايتا ۇدەي باستادى. وسىعان بايلانىستى ءباا 26 شىلدە كۇنى يزرايل-پالەستينا ماسەلەسىنىڭ توتەنشە وتىرىسىن اشاتىنىن جاريالادى. بۇل تۋرالى «شينحۋا» اگەنتتىگىنىڭ رەسمي سايتى حابارلايدى.

14 شىلدە كۇنى 3 يزرايل پوليتسيا قىزمەتكەرى ءال-اقسا مەشىتىنىڭ ماڭىندا ياعني يەرۋساليم كونە قورعانى اۋماعىندا شابۋىلعا ۇشىراپ، ونىڭ ەكەۋى قازا تاپتى. وقيعادان كەيىن يزرايل تارابى ءال-اقسا مەشىتىن قاتاڭ باقىلاۋعا الىپ، مۇسىلمانداردىڭ وندا بارىپ قۇلشىلىق ەتۋىنە قاتاڭ شەكتەۋ قويدى. 16 شىلدە كۇنى يزرايل پوليتسيا تاراۋلارى ءال-اقسا مەشىتىن اشىپ بەردى، الايدا، وعان كىرۋ ءۇشىن مۇسىلماندار قاتاڭ قاۋىپسىزدىك تەكسەرۋىنەن وتەتىن بولدى.

20 شىلدە كۇنى كەشتەيەرۋساليمدەگى ەسكى قالا قورعانى اۋماعىنداعى ارىستان قاقپاسى سىرتىندا پالەستينا بۇقارالارى مەن يزرايل قارۋلى كۇشتەرى اراسىندا قاقتىعىس بولدى. ناتيجەسىندە – كەم دەگەندە 42 پالەستينالىق قازا تاۋىپ، 5 يزرايل پوليتسياسى جاراقات الدى.

21 شىلدە كۇنى پالەستينالىقتار كوپتەگەن جەردە «اشۋ-ىزا جۇمالىعى» دەپ اتالاتىن نارازىلىق شەرۋىن وتكىزدى. مۇنىڭ سوڭى تاعى دا يزرايل پوليتسيالارىمەن اراداعى قاقتىعىسقا ۇلاستى. كەم دەگەندە ءۇش پالەستينالىق قازا تاۋىپ، 450 ادام ءتۇرلى جاراقات الدى.

جارتى عاسىردان بەرى يزرايل-پالەستينا تراگەدياسى تولاسسىز جالعاسىپ كەلەدى. الايدا، سوعىس پەن قاقتىعىستار ارقىلى بەيبىتشىلىك پەن تىنىشتىقتى كۇشتەپ ورناتۋعا بولمايتىنىن، كەرىسىنشە قايشىلىقتار مەن وشپەس جاۋلىقتى عانا تەرەڭدەتە تۇسەتىنىن تاريح تاعى ءبىر مارتە دالەلدەپ ءوتتى.

“The Qazaq Times”