كاشميردەگى ءۇندىستان مەن پاكستان اسكەريلەرى. فوتو: zeenews.india.com.

پاكىستان قورعانىس كۇشتەرى 21 شىلدە كۇنى ءۇندىستاننىڭ قارۋلى كۇشتەرى پاكىستاندىق بەيبىت تۇرعىندارعا شابۋىل جاساعانىن، سالدارىنان 1 ادامنىڭ قازا تاپقانىن مالىمدەدى. بۇل تۋرالى «شينحۋا» اگەنتتىگىنىڭ يسلام-اباتتاعى اقپارات اگەنتتەرى حابارلاعان.

پاكىستان جاقتىڭ مالىمەتىنە قاراعاندا ءۇندىستان قارۋلى كۇشتەرى سول كۇنى كاشمير وڭىرىندەگى ءۇندىستان مەن پاكىستاننىڭ ورتاق باقىلاۋىنداعى وڭىرگە قارۋلى شابۋىل جاساعان. شابۋىلدا بەيبىت تۇرعىننان 1 ەر ادام قازا تاۋىپ، 4 ادام جارالانعان. ۇكىمەتارالىق اقپارات قىزمەتىنىڭ بەرگەن مالىمەتىنە سۇيەنسەك، پاكىستان جاق قايتارما شابۋىل جاساپ، 3 ۇندىستاندىق اسكەريدى اتىپ ولتىرگەن جانە بىرنەشەۋىن جارالاعان. سونىمەن بىرگە ۇندىستاندىق تىڭشىنىڭ تۇتقىنداپ كوزىن جويعان.

الەمدىگى ەڭ ۇلكەن تالاستاعى رايونى – كاشمير. فوتو: Bobhata.

كاشمير وڭىرىندە ءۇندىستان مەن پاكىستان اراسىنداعى قارۋلى قاقتىعىستار ۇنەمى تۋىپ كەلەدى. 1947 جىلى ءۇندىستان مەن پاكىستان ىرگەسىن بولگەننەن بەرى، كاشمير ەكى ەل اراسىنداعى شەكاراسى انىق بولماعان تالاس وڭىرگە اينالىپ قالا بەردى. كاشمير قازىر الەمدەگى كولەمى جاعىنان ەڭ ۇلكەن تالاس بولىپ وتىرعان ءوڭىر بولىپ سانالادى. 2003 جىلى ەكى ەل كەلىسسوز ارقىلى كاشميردى ورتاق باقىلاۋعا كەلىسكەن. الايدا، بۇل كەلىسىم وڭىردەگى قارۋلى قاقتىعىستارمەن ەكى ەل اراسىنداعى داۋ-جانجالدى توقتاتىپ قالا المادى. بۇل وسى جىلدا ءۇندىستان تارابىنان جاسالعان 594-ءشى شابۋىل بولىپ سانالادى ەكەن.

“The Qazaq Times”