فوتو: icmu.nyc.gr

تۇركيادا ەل پرەزيدەنتى رەجەپ تايىپ ەردوعان مەن پرەمەر-مينيستر بينالي يىلدىرىمنىڭ جابىق ەسىك جاعدايىندا وتكەن ەكى ساعاتتىق كەزدەسۋىنەن كەيىن، تۇركيا ۇكىمەنتىنىڭ مينيسترلەر كابينەتى تولىقتاي وزگەرتىلدى.

بۇگىن تۇركيا پرەمەر-ءمينيسترى بينالي يىلدىرىم ەل ۇكىمەتىندەگى اۋىس-تۇيىستەردى حالىق نازارىنا ۇسىندى. وندا جەتى ءمينيستردىڭ ورىنى اۋىسىپ، جاڭادان التى مينيستر قىزمەتكە الىنعان.

ەردوعان مەن يىلدىرىمنىڭ ەكى ساعاتتا ەل ۇكىمەتىن ادام تانىماستاي ەتىپ وزگەرتۋىنىڭ سىرى نە دە ەكەندىگى ازىرگە بەلگىسىز. بىراق شەت ەلدىك ساراپشىلاردىڭ بولجامى بويىنشا، بۇل ەردوعان بيلىگىن كۇشەيتۋ ءۇشىن جاسالىپ جاتقان قادامدار بولۋى مۇمكىن. ويتكەنى بىلتىرعى بۇلىكتەن كەيىن ەردوعان تۇركيادا "گۇلەنشىلەر" دەگەن جەلەۋمەن مىڭداعان ادامدى تۇتقىنداپ، ساياسي ارەناداعى قارسىلاستارىن تازارتۋ وپەراتسياسىن باستاپ كەتكەن بولاتىن.

“The Qazaq Times”