دونالد ترامپتىڭ رەيتينگى ەڭ تومەنگى كورسەتكىشكە يە

دونالد ترامپ اقش پرەزيدەنتى قىزمەتىندە بولعان جارتى جىلدىڭ ىشىندە، ونىڭ قولداۋشىلارىنىڭ سانى امەريكادا سوڭعى 70 جىلدا مەملەكەت باسشىسى بولعان ازاماتتارمەن سالىستىرعاندا ەڭ تومەنگى كورسەتكىشكە يە. بۇل تۋرالى ABC News جانە The Washington Post بىرلەسىپ جۇرگىزگەن ساۋالناما ناتيجەسىندە بەلگىلى بولدى. 

ساۋالناما قورىتىندىسىنا سايكەس، دونالد ترامپتىڭ قىزمەتىنە كوڭىلى تولاتىندار 36 پايىزدى قۇراسا، ونىڭ پرەزيدەنتتىكتەن كەتكەنىن قالايتىنداردىڭ ۇلەسى - 58 پايىز.

سالىستىرمالى تۇردە، باراك وباما مەن دجورد بۋشتىڭ العاشقى جارتىجىلدىقتاعى رەيتينگى 60 پايىزدى قۇراعان.

سونداي-اق سۇرالعانداردىڭ 60 پايىزى اقش-تا وتكەن پرەزيدەنت سايلاۋىنا رەسەي استىرتىن ارالاسقان دەپ ەسەپتەسە، رەسپوندەنتتەردىڭ 67 پايىزى دونالد ترامپ سايلاۋ قورىتىندىلارىن وزگەرتۋگە رەسەيگە كومەكتەسكەن دەپ سانايدى.

“The Qazaq Times”