"يسلام مەملەكەتى" ۇيىمىنىڭ جاڭا باسشىسىنىڭ سۋرەتى جاريالاندى

Al Arabiya تەلەارناسى "يسلام مەملەكەتى" لاڭكەستىك ۇيىمىنىڭ جاڭا باسشىسى قىزمەتىنە تاعايىندالۋى مۇمكىن تۇلعانىڭ فوتوسۋرەتىن جاريالادى. تاياۋ شىعىستىڭ باق وكىلدەرىنىڭ بولجالدى اقپاراتىنا سايكەس، ابۋ باكر ال-باعداديدىڭ ولىمىنەن كەيىن ۇيىمدى ونىڭ جاقىن كومەكشىسى دجالالۋدين ال-تۋنيسي باسقارۋى مۇمكىن. 

1982 جىلى تۋنيستە دۇنيەگە كەلگەن  دجالالۋدين ال-ءتۋنيسيدىڭ شىن اتى - مۋحاممەد بەن سالەم ال-اۋني. فرانتسيادا ۇزاق جىلدار بويى تۇرىپ، وسى ەلدىڭ ازاماتتىعىن العان ول، تۋنيستە رەۆوليۋتسيا ءورتى تۇتانعاننان كەيىن، وتانىنا ورالعان. ودان ءارى سيريا اسىپ، تەرروريستەردىڭ قاتارىنا قوسىلعان.

ماۋسىم ايىنىڭ ورتاسىندا رەسەي فەدەراتسياسىنىڭ قورعانىس مينيسترلىگى  28 ماۋسىم كۇنى رەسەي ۇشاقتارىنىڭ راككي ەلدىمەكەنىندە لاڭكەستىك توپقا قارسى جاساعان شابۋىلى ناتيجەسىندە، "يسلام مەملەكەتى" ۇيىمىنىڭ باسشىسى  - ابۋ باكر ال-باعدادي ءولۋى مۇمكىن دەپ مالىمدەگەن ەدى. كەيىننەن، Al Sumaria تەلەارناسى لاڭكەستىك توپ مۇشەلەرى باسشىسىنىڭ ءولىمىن راستادى دەپ حابارلادى. Reuters اگەنتتىگى تەرروريستىك ۇيىم باسشىسىنىڭ ءولىمىنىڭ انىق-قانىعىن تەكسەرۋ مۇمكىن بولماي وتىرعانىن جەتكىزدى. ال كۇنى كەشە يراكتىڭ بارلاۋ قىزمەتى ابۋ باكر ال-باعداديدىڭ ولىمىنە كۇمان كەلتىرىپ، ول ءتىرى جانە ءسۇريانىڭ راككا ايماعىندا جاسىرىنىپ ءجۇرۋى مۇمكىن دەگەن بولجام ۇسىندى.

“The Qazaq Times”