گەرمانيا كانتسلەرى انگەلا مەركەل G20 ءسامميتى كەزىندە اقش باسشىسى دونالد ترامپ پەن رەسەي پرەزيدەنتى ۆلاديمير پۋتين اراسىندا دەلدال بولمايمىن دەپ مالىمدەدى جۋرناليستەر الدىندا سويلەگەن سوزىندە.

گەرمانيا باسشىسى انگەلا مەركەل G20 ءسامميتى قارساڭىندا جۋرناليستەر الدىندا سويلەگەن سوزىندە: «ءبىزدىڭ ماقسات G20 ءسامميتى كەزىندە رەسەي مەن اقش اراسىندا دەلدال بولۋ ەمەس، كەرسىنشە ەكى ەل اراسىن جاقىنداستىرۋ ءۇشىن ءوز ۇلەسىمىزدى قوسۋ» - دەدى.

مەركەل بۇل مالىمدەمەنى G20 ءسامميتى الدىندا پولشادا اقش پرەزيدەنتى دونالد ترامپ رەسەي تاراپىنا قاتتى-قاتتى سىن ايتقاننان كەيىن جاساعان بولاتىن.

بۇدان بولەك انگەلا مەركەل G20 ءسامميتى اياسىندا ءسۇريا داعدارىسى بويىنشا دا بىرقاتار كەلىسىمدەر بولاتىنىنا ۇمىتتەنەتىنىن جانە ماسكەۋ مەن كيەۆ اراسىن جاقىنداستىرۋ ءۇشىن گەرمانيا تاراپىنان ناقتى قادامدار جاسالاتىنىن ايتتى.

G20 ءسامميتى اياسىندا شىلدەنىڭ 8 كۇنى رەسەي پرەزيدەنتى ۆلاديمير پۋتين، فرانتسيا باسشىسى ەممانۋەل ماكرون جانە گەرمانيا كانتسلەرى انگەلا مەركەل اراسىندا كەزدەسۋ بولادى دەپ كۇتىلۋدە.

ال اقش پرەزيدەنتى دونالد ترامپ پەن انگەلا مەركەل سامميت باستالماي تۇرىپ جەرگىلىكتى وتەلدەرىدىڭ بىرىندە 45 مينۋتتىق كەزدەسۋ وتكىزبەك.

“The Qazaq Times”