فوتو: ForTrader.ru

اقش-تىڭ فەدەرالدى رەزەرۆ جۇيەسىنىڭ توراعاسى دجاننەت يەللەن ەندى قارجى داعدارىسىنىڭ بولمايتىنىنا سەنىمدى. سەبەبى كرەديتتىك ۇيىمدار كاپيتالىنىڭ جوعارعى دەڭگەيدە بولۋى مەن رەتتەۋشى باقىلاۋىنىڭ جوعارى بولۋىنان بانك سەكتورلارىندا تۇراقتىلىق بولىپ وتىر، دەپ جازادى vestifinance.ru.

«مەن ەندى قارجى داعدارىسى بولمايدى دەپ ايتار ەدىم. بۇلاي تىم الىسقا كەتۋدىڭ قاجەتى دە جوق شىعار، بىراق مەن سولاي ويلايمىن. ءبىز ەندى الدەقايدا قاۋىپسىز دەڭگەيدە وتىرمىز دەپ ەسەپتەيمىن جانە ءبىزدىڭ ومىرىمىزدە بۇنداي جاعداي ەندى بولمايتىنىنا ءۇمىتتىمىن. بارلىق كومپانيالار سترەسس-تەستتەن ءوتتى", - دەدى ول.

سونداي-اق، دجاننەت يەللەن  لوندونداعى بريتان اكادەمياسىنىڭ پرەزيدەنتى نيكولاس شتەرنمەن كەزدەسۋى كەزىندە فرج سوڭعى قارجى داعدارىسى بويىنشا ساباق وتكىزگەنىن جانە بانك جۇيەسىنىڭ تۇراقتىلىعىن قامتاماسىز ەتكەندىگىن مالىمدەدى.

“The Qazaq Times”