تەرەزا مەي ءوز پارتياسى جەڭىلىسكە ۇشىراسا دا وتستاۆكاعا كەتكىسى كەلمەيدى

باتىس اقپارات كوزدەرىنىڭ حابارلاۋىنشا، ۇلىبريتانيا پرەمەر-ءمينيسترى تەرەزا مەي ول باسشىلىق ەتكەن پارتيا سايلاۋدا كوپ داۋىس جوعالتىپ قويسا دا، سايلاۋدان كەيىن دە ءوزىنىڭ وتستاۆكاعا كەتە المايتىنىن ايتقان. ءوتىپ جاتقان سايلاۋدا ول باستاعان كونسەرۆاتيۆتىك پارتياسى كوپ داۋىس جوعالتىپ الدى. بۇل سايلاۋدان كەيىن دە تەرەزا مەيگە ۇلكەن قىسىمدى الىپ كەلەرى انىق.

سول جەردىڭ جەرگىلىكتى ۋاقىتىمەن جۇما كۇنى تاڭەرتەڭ جاريا بولعان قورتىندى بويىنشا، كونسەرۆاتيۆتىك پارتياسى 315 ورىندىق ەسەپ كورسەتكىشىن كورسەتتى. ال، نەگىزگى پارتيا كەمىندە 326 داۋىس جيناۋى كەرەك ەدى. سول ەلدەگى ITV ارناسىنىڭ حابارىنشا، تەرەزا مەي ارىپتەستەرىمەن جاڭا ۇكىمەتتى جاساقتاپ جاتىر. بىراق ول پرەمەر مينيستر دارەجەسىن ساقتاپ قالعىسى كەلەدى. ارىپتەستەرى ودان كونسەرۆاتيۆتىك پارتياسىنىڭ ىشىندەگى باقىلاۋىن كۇشەيتۋىن ءوتىنىپ وتىر.

“The Qazaq Times”