جەيمس ماتتيس ترامپتىڭ اتسا وعى، شاپسا قىلىشى بولماق

ترامپ وتكەن ايدا قورعانىس مينيسترىنە ۇسىنعان، ەشكىمنىڭ سوزىنە قۇلاق اسپايتىن، بىربەتكەيلىگىمەن اتى شىققان جەيمس ماتتيس كۇيرەگەلى تۇرعان «Theranos Inc» كومپانياسىنىڭ باس القالار كەڭەسىندەگى ورنىنان باس تارتتى. الايدا «General Dynamics» كومپانياسىنىڭ ديرەكتورلار كەڭەسىندەگى ورنىن ءالى دە جالعاسىتراتىن بولدى. بۇل ونىڭ ءوزى قۇرعان، الايدا وسەك-اياڭى كوپ، داۋى باسىنان اساتىن كاسىپورىننان باس تارتىپ، ءوزىنىڭ جاڭا بەت-بەينەدە قىزىمەتكە كىرىسەتىنىن ايعاقتايدى. بۇل تۋرالى "The Wall Street Journal" حابارلادى.

ايتا كەتۋ كەرەك، كەزىندە ترامپتىڭ وسىنداي ەشكىممەن تىل تابىسا بەرمەيتىن، مىنەزى تىك ادامدى قورعانىس ءمينيسترى ەتىپ تالداۋى دا ۇلكەن تالقىنىڭ ءتۇيىنى بولعان ەدى. بۇل جولعى جەيمس ماتتيستىڭ ءوزى قۇرعان كومپانيادان باس تارتىپ، مەملەكەت ىسىنە بەلسەنۋى ترامپتىڭ اتسا وعى، شاپسا قىلىشى بولام دەگەنمەن بىردەي.

قۇندى قاعازداردى باقىلاپ-باسقارۋ ورتالىعىنىڭ مالىمەتىنشە، جەيمس ماتتيس GD (General Dynamics) كومپانياسىنداعى قىزىمەتىن جالعاستىرۋدا. ونداعى سەبەبى، اتالعان كومپانيانىڭ مەملەكەت قورعانىس ورگاندارىمەن جاساعان جۇمىستارىنىڭ سالماعىندا بولسا كەرەك. بۇل كومپانيا ۇلكەن تيپتەگى مەملەكەت قورعانىسىن ۇستىنە العان ساۋدا كومپانياسى بولىپ، ءبىر عانا، 2015 جىلدىڭ وزىندە GD (General Dynamics) كومپانياسى اقش قورعانىس مينيسترلىگىمەن 147 ملرد. دوللارلىق ساۋدا جاساسقان.

"The Qazaq Times"