ترامپتىڭ باسىنا جاڭا يدەيا كەلىپ، اقش-تى ابىگەرگە سالدى

اقش پرەزيدەنتى ترامپ مەكسيكامەن شەكارا سىزىعىنا قورعان تۇرعىزعالى وتىرعانى بەلگىلى. بۇل شەكارالىق قابىرعا قۇرلىسىن قارجىلاندىرۋعا مەكسيكانى دا مىندەتتى دەگەن، ال، مەكسيكا مەملەكەتى بۇدان باس تارتقان. الايدا ترامپتىڭ باسىنا جاڭا يدەيا كەلگەنى ءمالىم بولدى: ول شەكارا قورعانىنا كۇن ەنەرگياسىن قابىلدايتىن كۇن پانەلدەرىن ورناتپاق. بۇل تۋرالى «The Wall Street Journal» باسىلىمى حابارلاپ وتىر.

سەيسەنبى كۇنى ترامپ كونگرەستەگى رەسپۋبليكاشىلدار وكىلدەرىمەن كەزدەستى. كەزدەسۋدە بولعان ەكى كونگرەسس مۇشەسىنىڭ ايتۋىنشا، پرەزيدەنت شەكارالىق قابىرعاسىنىڭ قۇرلىسىن قارجىلاندىرۋ ماقساتىندا كۇن باتارەيالارىن ورناتۋ ۇسىنىسىن ورتاعا قويعان.

وڭتۇستىك شەكارا قابىرعاسىن تۇرعىزۋ – ترامپتىڭ سايلاۋدان بۇرىنعى ۋادەسىنىڭ ءبىرى. ول بۇل قۇرىلىس اقش-قا زاڭسىز كىرەتىن ميگرانتتاردى تىزگىندەيدى دەپ قارايدى. سونىمەن قاتار، ەسىرتكى كونترابانداسىنا قارسى كۇرەسكە ءتيىمدى بولعاندىقتان، مەكسيكادا قۇرىلىستىڭ جارتى شىعىنىن وتەيدى دەگەن تالابىن قويعان. بۇل تالابى مەكسيكا جاعىنان كۇشتى قارسىلىققا ۇشىرادى. ءتىپتى اقۇي وكىلدەرى مەن كونگرەسس وكىلدەرىنىڭ ءبىر ءبولىمى دە قارسى تۇردى. سەبەبى، بۇل قۇرىلىستىڭ بولاشاعى بۇلدىر دەپ تاپقان. بۇرىنعى قۇرىلىستىڭ قانشاسىن جاڭارتىپ، قانشا شاقىرىمعا قورعان سوعۋ كەرەكتىگى دە انىق بولماعان.

اقۇي وكىلدەرى بۇل قۇرىلىستىڭ جوباسى تۋرالى تۇسىنىك بەرۋدەن باس تارتىپ وتىر. بىراق بۇل ءبىر الىپ يدەيا ەكەنى راس. ال، ترامپتىڭ باسىنا كەلگەن جاڭا يدەيا بولسا – قۇرىلىسقا كەتكەن شىعىندى كۇن ەلەكتر ەنەرگياسى ارقىلى قايتارىپ الۋ بولسا كەرەك.

“The Qazaq Times”