ميرزيەەۆتىڭ باستى قارسىلاسى بولعان رۋستام ازيموۆ قىزمەتىنەن بوساتىلدى

وزبەكستاننىڭ ۆيتسە-پرەمەرى رۋستام ازيموۆ جۇمىسىنان بوساتىلدى دەپ حابارلايدى رەسۋرس Uz24.uz اقپارات كوزى.

رەسۋرس Uz24.uz مالىمەتىنشى ازيموۆ ۆيتسە-پرەمەرلىكتەن الىنىپ تاستالىپ، باسقا قىزمەتكە اۋىسقان. الايدا ونىڭ جاڭا قىزمەتى جايىندا ەشقانداي اقپارات جاريالانباعان. ازيموۆتىڭ ورىنىنا وزبەكستان قارجى ءمينيسترىنىڭ ورىنباسارى دجامشيد كۋچكاروۆ تاعايىندالعان.

رۋستام ازيموۆ يسلام كارىموۆتىڭ ولىمىنەن كەيىن وزبەكستاندا پرەزيدەنتتىككە باستى ۇمىتكەرلەردىڭ ءبىرى بولعان. يسلام كارىموۆتىڭ ءتىرى كەزىندە ازيموۆ، ونىڭ سۇيكتى قىزمەتكەرلەرىنىڭ قاتارىنا كىرگەن. نە ءبارى 40 جاسىندا يسلام كارىموۆ ونى وزبەكستاننىڭ قارجى ءمينيسترى ەتىپ تاعايىنداعان. ال ەكى جىلدان سوڭ ول ۆيتسە-پرەمەر دارەجەسىنە دەيىن كوتەرىلگەن.

يسلام كارىموۆ ومىردەن وزعاننان كەيىن وزبەكستاندا ازيموۆتىڭ قاماۋعا الىنعانى جايىندا اقپارات تاراعان. كارىموۆ ولىمىنەن كەيىن وزبەكستان حالقى اراسىندا ميرزيەەۆتەن قاراعاندا، ءوزىنىڭ تانىمالدىعى باسىمىراق بولعاندىعىنا قاراماستان ازيموۆ، پرەزيدەنت سايلاۋىندا ءوز كانديداتۋراسىن الىپ تاستاپ، سايلاۋعا قاتىسۋدان باستارتقان.

شاۆحات ميرزيەەۆتىڭ بيلىك باسىنا كەلۋىمەن رۋستام ازيموۆتىڭ ساياسي مانسابىندا قۇلدىراۋ كەزەڭى باستالعان. شەت ەلدىك جانە وزبەكستاندىق ساراپشىلاردىڭ ايتۋىنشا 58 جاتاعى ازيموۆتىڭ ساياسي ءومىرى وسىمەن اياقتالعان كورىنەدى.

“The Qazaq Times”