ترامپ بۇگىن اقش-تاعى ماڭىزدى ادامداردى كەشكى اسقا شاقىردى

اقش پرەزيدەنتى دونالد ترامپ سەيسەنبى كۇنى تۇستەن كەيىن اقۇيدە پارلامەنت سەنات باسشىلارىنا كەزدەستى. كەزدەسۋدە بولاشاق اقش-تاعى دەنساۋلىق ساقتاۋ سالاسىن رەفورمالاۋ ماسەلەسىن تالقىعا سالدى. ترامپقا قاتىستى بولعان رەسەيمەن بايلانىسىن تەكسەرۋ ماسەلەسىن جىلى كۇيگە وتكەننەن كەيىن، جوعارعى ۇكىمەت كەشەۋىلدەپ تۇرعان وتكەن ايدا ءسوز ەتىلگەن رەفورمالاردى جانداندىرۋعا كىرىسكەلى وتىر. بۇل تۋرالى  “The Wall Street Journal” باسىلىمى حابارلاپ وتىر.

وسىعان دەيىن اقۇي وكىلدەرى پرەزيدەنتتەرىنىڭ رەسەيمەن بايلانىسى تۋرالى تەكسەرۋ ءىسى كونگرەسكە جولدانعان جازعى سەسسيالار كۇنتارتىبىنە كەرى اسەر ەتىپ، دەنساۋلىق ساقتاۋ جانە سالىق ىسىنە جاسالاتىن رەفورمالاردى كەشەۋىلدەتە مە دەپ الاڭداعان. قازىر پرەزيدەنت كومانداسى مەن پارلامەنت سەنات باسشىلارى بىراۋىزدىلىققا كەلىپ، ايتۋلى رەفورمالاردى اتقارۋعا كىرىسۋ نيەتىندە.

اقۇيدىڭ رەسمي وكىلى مارك شورت: « داۋ جوق، پرەزيدەنت ءىسىن قاراۋ ۇكىمەتتىڭ زاڭنامالىق كۇنتارتىبىنە كەرى اسەر ەتەر ەدى. الايدا، كونگرەسپەن بولعان كەزدەسۋدە ۇكىمەت رەفورمالاردى قولعا الۋعا مۇمكىندىك الدى»، – دەدى.  سەيسەنبى كۇنگى سەنات پەن اقۇي باسشىسىنىڭ اراسىنداعى كەزدەسۋدەن كەيىن، پرەزيدەنت پارلامەنت مۇشەلەرىمەن كەشكى اس ۇستىندە كەڭەسپەك. اس ۇستەلىندە وتىرىپ، ترامپ پارلامەنت مۇشەلەرىمەن الداعى ۋاقىتتاعى سىرتقى ساياسات ماسەلەسىن تالقىلاماق. بۇل تالقىعا ترامپ دەموكراتتاردى دا شاقىرىپ وتىر.

“The Qazaq Times”