پۋتين اقش-تىڭ سايلاۋ جۇيەسىن وزگەرتۋ كەرەكتىگىن ايتتى

رەسەي پرەزيدەنتى: «اقش باسقا ەلدەردىڭ ىشكى ىسىنە ارالاسۋدى دوعارىپ، ونىڭ ورنىنا ءوزىنىڭ سايلاۋ جۇيەسىن وزگەرتۋى ءتيىس»،-دەدى. بۇل تۋرالى "فارس" ءباسپاسوزى جاريالادى.

رەسەي پرەزيدەنتى ۆلاديمير پۋتين جەكسەنبى كۇنى NBC News تەلەارناسىنا بەرگەن سۇحباتىندا: «اقش-تىڭ سايلاۋ جۇيەسى وزگەرتىلىپ، ەل پرەزيدەنتى حالىقتىڭ تىكەلەي داۋىس بەرۋى ارقىلى سايلانۋى ءۇشىن جاعداي جاسالعانى دۇرىس. سوندا تىكەلەي داۋىس بەرىپ، داۋىستى ساناۋ جەڭىلدەتىلىپ، سايلاۋدى باقىلاۋدى جەڭىلدەتۋگە مۇمكىندىك تۋىندايدى.
پرەزيدەنتتەر اۋىسادى. پارتيالار اراسىندا بيلىك الماسادى، الايدا مەملەكەتتەردىڭ ساياساتىنىڭ نەگىزگى وزەگى وزگەرمەيدى. سوندىقتان ماسكەۋ ءۇشىن اقش-تا كىمنىڭ بيلىك باسىنا كەلەتىندىگى ماڭىزدى ەمەس»،-دەپ قۋاتتادى.
ۆلاديمير پۋتين، سونداي-اق، رەسەيدىڭ اقش-تاعى پرەزيدەنتتىك سايلاۋعا ارالاسقانى تۋرالى ايىپتاردى تاعى دا تەرىسكە شىعارىپ: «سايلاۋدا جەڭىلىس تاپقان ادامدار باسقالاردى وزدەرىنىڭ قيىندىقتارىنا كىنالى ساناماۋى ءتيىس. اقش-تىڭ ءوزى بۇكىل الەمدە باسقا ەلدەردىڭ سايلاۋلارىنا بەلسەندى تۇردە ارالاسادى»،-دەدى.

“The Qazaq Times”