اقش-تىڭ زىمىراندىق قالقانىنىڭ كەڭەيۋى قارۋ-جاراق باسەكەلەستىگىن تۋدىرادى

رەسەي پرەزيدەنتى: "اقش-تىڭ زىمىراندىق قورعانىس جۇيەسىن كەڭەيتۋدى باسا ايتۋى قارۋ-جاراق باسەكەلەستىگىن تۋدىرادى",- دەدى. بۇل تۋرالى "فارس" اقپاراتتىق اگەنتتىگى حابارلادى.

ۆلاديمير پۋتين سانكت-پەتەربۋرگتە وتكەن 21-ءشى حالىقارالىق ەكونوميكالىق فورۋم اياسىندا شەتەلدىك اقپارات قۇرالدارىنا بەرگەن سۇحباتىندا رەسەيدىڭ گەرمانياداعى سايلاۋعا اسەر ەتۋگە جاساعان تالپىنىستارى تۋرالى ايىپتاۋلاردى تەرىسكە شىعارىپ: ء"بىز گەرمانيامەن ەرتەدەن تاريحي قارىم-قاتىناستارعا يەمىز. ەكى مەملەكەتتىڭ ورتاق مۇددەلەرى بار.

اقش-تىڭ الياسكا مەن وڭتۇستىك كورەياداعى زىمىراندىق قورعانىس جۇيەسى رەسەي ءۇشىن قاۋىپ توندىرەدى. اقش-تىڭ زىمىراندىق قالقانىنىڭ كەڭەيۋى قارۋ-جاراق باسەكەلەستىگىن تۋدىرادى.

رەسەيمەن جاۋلىق كەرى سالدارعا سوقتىرادى جانە ماڭگىلىككە دەيىن جالعاسپايدى. ەگەر رەسەي كۋريل ارالدارىن جاپونياعا قايتارىپ بەرەتىن بولسا، ۋاشينگتون ءوز اسكەري كۇشتەرىن وسى ارالدارعا ورنالاستىرۋى مۇمكىن. حاكەرلەر ەشبىر ەۋروپالىق ەلدىڭ نەمەسە اقش-تىڭ سايلاۋ ناتيجەلەرىنە اسەر ەتە المايدى",- دەدى.

“The Qazaq Times”