كاليفورنيادان كوتەرىلگەن زىمىرانعا قارسى راكەتانى تاماشالاۋ. فوتو: The Wall Street Journal.

اقش قورعانىس دەپارتامەنتى سارسەنبى كۇنى حابارلاما جاريالاپ، اقش زىمىران قورعانىس جۇيەسىنىڭ ءساتتى سىناقتان وتكەنىن، قورعانىس سالاسى ەلدى كۇن سايىن قاۋىپتى بولا باستاعان يران جانە سولتۇستىك كورەيانىڭ يادرولىق قاۋىپىنەن قورعاي الاتىن بولدى دەپ حابارلادى.

اقش زىمىرانعا قارسى قورعانىس اگەنتتىگىنىڭ باسشىسى، ۆيتسە-ادميرال جيم سپرينج بەرگەن مالىمەتىندە، سەيسەنبى كۇنى سىناقتان وتكىزىلگەن قۇرلىقارالىق بالليستيكالىق زىمىرانعا قارسى قورعانىس جۇيەسى جوعارى ناتيجە كورسەتتى. ءسپرينجدىڭ ايتۋىنشا بۇل اقش-تىڭ ازىردەن باستان 2020 جىلعا دەيىن جوعارىدا اتالعان ەكى ەلدەن كەلەتىن بارلىق زىمىران قاۋىپىنەن قورعاي الادى دەگەندى بىلدىرەدى. ونىڭ ويىنشا بۇل ولاردىڭ ءوز قارسىلاستارىنان ارتىقشىلىعىن دالەلدەپ بەرەدى. ءتىپتى سپرينج بۇل سىناقتى ءبىر وقتىڭ ءبىر وقتى قاعىپ تۇسىرۋىنە تەڭەگەن.

قۇنى 244 ملن اقش دوللار تۇراتىن بۇل سىناق اقش-تىڭ قورعانىس قابىلەتىن ارتتىراتىنى انىق. دەسە دە، وسىدان بۇرىنعى كەيبىر سىناقتاردىڭ ساتسىزدىكتەرى تۋرالى ءارى قورتىندى جاسالعان جوق. قازىرگى كەزدە اتالعان دەپارتامەنت ءبىر جىل ىشىندە زىمىران قورعانىس راكەتالارىنىڭ سانىن 36-دان 44 داناعا جەتكىزۋدى جوسپارلاپ وتىر.

“The Qazaq Times”