ايداھار شوقجۇلدىزىندا جەرگە ۇقساس عالامشار تابىلدى

شۆەيتساريا، يسپانيا جانە يتاليا عالىمدارى ايداھار جۇلدىزدار شوعىرىندا تىرشىلىك بولۋى ىقتيمال عالامشاردى انىقتاعان. وسىعان بايلانىستى زەرتتەۋ ناتيجەلەرى arXiv.org عىلىمي ماقالالاردىڭ مۇراعاتىندا ساقتاۋلى.

عالامشاردى كانار ارالدارىنداعى  روكە-دە-لوس-مۋچاچوس وبسەرۆاتورياسىندا ورنالاسقان HARPS-N سپەكتوگرافتارىنىڭ كومەگىمەن انىقتاۋعا مۇمكىن بولعان.

عالامشار گليزە 625 قىزىل ەرگەجەيلىنىڭ ايماعىندا ورنالاسقان. سالماعى جەردىكىنەن 2,8 ەسە ۇلكەن جانە جۇلدىزدىڭ ماڭايىندا اينالۋ ۋاقىتى 14,6 تاۋلىككە تەڭ كەلەدى. بەتكى تەمپەراتۋراسى 350 كەلۆيننەن (تسەلسي بويىنشا 76,85 گرادۋسس) اسپايدى، كومىرتەكتى تىرشىلىك يەلەرىنىڭ ءومىر سۇرۋىنە قولايلى.

بولاشاقتا عالىمدار ەكزوعالامشاردىڭ  اتموسفەراسىنىڭ قۇرامىن،  سۋدىڭ بولۋ ىقتيمالدىعىن انىقتاماق.

“The Qazaq Times”