ترامپ كۇيەۋ بالاسىن قورعاشتاپ شىر-پىر بولۋدا

اقش پرەزيدەنتى العاشقى مەملەكەتتىك ساپارىن اياقتاپ، اقش-قا قايتىپ ورالعاننان كەيىن، جەكسەنبى كۇنى Twitter پاراقشاسىندا ءبىر توپ جازبالار سەرياسىن جاريا ەتتى. سونىڭ ىشىندە اقۇيدىڭ قۇپيالىعىن شاشىپ قويى دەگەن ءسوزدى «قاۋەسەت» دەپ كورسەتتى. سوعان قوسا بۇل سوزدەردى تاراتقاندار تۋرالى تەكسەرۋ كەرەكتىگىن ۇسىندى. بۇل تۋرالى تانىمال باسىلىم «The Wall Street Journal» باسىلىمى حابارلاپ وتىر.

ترامپتىڭ «قاۋەسەتكە» دەپ وتىرعانى –  ءوزىنىڭ كۇيەۋ بالاسى ءارى اعا كەڭەسشىسى  كۋشنەرگە (Jared Kushner) قاتىستى ءسوز بولاتىن. ەكى پرەزيدەنتتىڭ الماسۋ كەزەڭىندە، رەسەي جاقپەن سۇرياداعى اسكەري وپەراتسيالار جانە باسقا دا ماسەلەلەر توڭىرەگىندە قۇپيا بايلانىس جەلىسىن ورناتۋ ءىسى ءسوز بولعاننان كەيىن ترامپ بۇل ىسكە ءوزى باستاپ كىرىستى.

ترامپ Twitter پاراقشاسىندا: « اقۇيدىڭ قۇپيا اقپاراتتارى شاشىلدى دەگەن ءسوز – ارناۋلى تۇردە دايىندالعان مۇلدە جالعان اقپارات. سانالى وقىرمانداردىڭ مۇنداي اقپاراتتىڭ جالعان ەكەنىنە كوزدەرى جەتەدى. اتتارىن دا اتامالماعان مۇنداي ءسوزدى تاراتۋشىلاردىڭ سوزىندە ەشبىر سەنىم جوق، ونى تاراتۋشىلار قوعامعا وسىنى ايتىپ سەندىرمەكشى بولدى، الايدا، بۇنىڭ ولارعا ەش پايداسى جوق ءارى بۇلار قوعامىمىزدىڭ جاۋى»، – دەدى.

ترامپ ۇكىمەتى مۇشەلەرى مەن رەسپۋبليكاشىلدار پارتياسىنىڭ دا بىرنەشە وكىلدەرى كۋشنەر ءىسى تۋرالى قارسىلىقتارىن ءبىلدىردى. ترامپ تا سونىڭ ءبىرى بولىپ تابىلادى.

“The Qazaq Times”