رەسەيدەن كەلەتىن كولىكتەر ازايدى

قازاقستانعا يپورتتالاتىن جەڭىل كولىكتەر سانى ازايىپ جاتىر. وسى جىلدىڭ 3 ايىندا قازاقستانعا 4,7 مىڭ اۆتوكولىك كەلگەن جانە بۇل وتكەن جىلدىڭ قاڭتار-ناۋرىز ايىمەن سالىستىرعاندا 11%-عا از. ال وسىدان ءۇش جىل بۇرىن ەلىمىزگە يمپورتتالعان كولىكتەردىڭ سانى شامامەن 32,4 مىڭ بولعان. بۇل قازىرگى كەزەڭمەن سالىستىرعاندا 7 ەسەگە جوعارى.  

ەلىمىزگە كەلەتىن كولىكتەر سانى ازايعانمەن، ولاردىڭ باعاسى قىمبات بولىپ وتىر. وسى جىلى جەڭىل ترانسپورتتاردىڭ يمپورتى 92,5 ملن دوللار بولعان. بۇل 2016 جىلدىڭ سايكەس كەزەڭىنە كاراعاندا 41%-عا جوعارى.

Finprom.kz اگەنتتىگى ۇسىنعان مالىمەتتەر

قازىرگى كەزدە قازاقستاندىقتار ءۇشىن اۆتوكولىك ساتىپ الۋ قىمبات. سەبەبى ستاتيستيكاعا سۇيەنسەك، قازاقستاندا تىركەلگەن جەڭىل كولىكتەردىڭ سانى 7,5  مىڭ بىرلىككە از. سونداي-اق، 2016 جىلدىڭ تامىز ايى مەن 2017 جىلدىڭ اقپان ايىندا رەسپۋبليكاداعى كولىكتەر سانى 19 مىڭ بىرلىككە قىسقارسا، كولىك ساتىپ الۋشىلار سانى دا ءبىرشاما ازايعان.

قازاقستانعا ەڭ ءىرى كولەمدە كولىك يمپورتتايىن ەل رەسەي بولىپ قالا بەرەدى. وسى جىلى رەسەيدەن كەلگەن كولىكتەر ۇلەسى - 66%. 2017 جىلدىڭ قاڭتار-ناۋرىز ايىندا بۇل ەلدەن 3,1 مىڭ كولىك كەلگەن. الايدا سوڭعى ءبىر جىلدا رەسەيدەن جەتكىزىلەتىن كولىكتەر 24%-عا قىسقارعان. بۇعان قوسا  باعا دا 35%-عا دەيىن قىمباتتاعان.

“The Qazaq Times”