فوتو: تەلەگراف

ۇلىبريتانيادا مانچەستەردەگى جارىلىسقا قاتىسى بار دەگەن كۇدىكپەن جەتىنشى ادام ۇستالدى دەپ حابارلايدى ۆۆس اقپاراتتتار قىزمەتى.

ۇلىبريتانيانىڭ ورتالىعىندا ورنالاسقان نانيتون قالاسىندا "مانچەستەر ارەناداعى" جارىلىسقا قاتىسى بار دەگەن كۇدىكپەن تاعى ءبىر ادام ۇستالعان.

بۇعان دەيىن ۇلىبريتانيا پوليتسياسى جارىلىسقا قاتىسى بار دەگەن كۇدىكپەن التى ادامدى قاماۋعا العان بولاتىن. ونىڭ ىشىندە جارىلىس جاساعان سالمان ابەديدىڭ اعاسى يسمايل ابەدي مەن اكەسى جانە كىشى ءىنىسى دە بار. سالمان ابەديدىڭ اكەسى مەن ءىنىسى ليۆيادا جۇرگەن جەرلەرىندە ۇستالعان.

ۇلىبريتانيا پوليتسياسىنىڭ مالىمەتىنشى «مانچەستەر ارەنا» ستانديونىنداعى جارىلىستى لاڭكەستىك توپ ۇيىمداستىرعان.

ەستەرىڭىزگە سالايىق مامىردىڭ 22 كۇنى مانچەستەر قالاسىندا جارىلىس ورىن الىپ، سالدارىنان 22 ادام كوز جۇمىپ، 64 ادام جاراقات العان. تەررورلىق شابۋىلدى "يسلام مەملەكەتى" لاڭكەستىك ۇيىمى ءوز مويىنىنا العان بولاتىن.

"The Qazaq Times"