قورعانىس ءمينيسترىنىڭ ورىنباسارى گەنەرال-مايور تالعات جانجۇمەنوۆتىڭ باسشىلىق ەتۋىمەن اسكەري دەلەگاتسيا مينسكىدەگى(بەلارۋس رەسپۋبليكاسى) «بەلەكسپو» كورمە ورتالىعىندا وتكەن 8-ءشى حالىقارالىق MILEX-2017 قارۋ-جاراق پەن اسكەري تەحنيكا كورمەسىنە باردى.  بۇل تۋرادى قورعانىس مينيسترلىگىنىڭ رەسمي سايتىندا جاريالاندى.
كورمە ماقساتى قورعانىس كاسىپورىندارى مەن قوس ماقساتتاعى ءونىمدى شىعاراتىن كاسىپورىنداردىڭ ءونىم ۇلگىلەرىن پاش ەتۋ، قورعانىس ونەركاسىبى ءونىمىن شىعارۋشىلار مەن تۇتىنۋشىلار اراسىندا ءوزارا ءتيىمدى بايلانىس ورناتۋ ءۇشىن قولايلى جاعداي جاساۋ بولىپ تابىلدى. ودان باسقا، باعدارلاما شەڭبەرىندە قورعانىس پەن قاۋىپسىزدىك اياسىنداعى اسكەري-تەحنيكالىق ىنتىماقتاستىق ماسەلەلەرى بويىنشا عىلىمي كونفەرەنتسيا وتكىزىلدى.
MILEX كورمەسىنىڭ ۇيىمداستىرۋشىلارى قازاقستاندىق حالىقارالىق «KADEX» قارۋ-جاراق پەن اسكەري-تەحنيكالىق مۇلىك كورمەسىنە بەلسەنە اتسالىسىپ، ۇدايى نەگىزدە 20 قورعانىس كاسىپورنى قۇرامىندا جەكەلەگەن بەلورۋس ەكسپوزيتسياسىن ۇسىنىپ وتىراتىنىن ايتا كەتكەن ءجون.

“The Qazaq Times”