قىتاي سIA (تسرۋ) بارلاۋ قىزمەتىنىڭ قىتايداعى تىڭشىلار توبىنىڭ كوزىن جويدى دەپ حابارلايدى ۆۆس اقپاراتتار قىزمەتى.

New York Times باسىلىمىنىڭ مالىمەتى بويىنشا سوڭعى ەكى جىلدا قىتاي ءوز اۋماعىنداعى سIA (تسرۋ) بارلاۋ قىزمەتىنىڭ 20  اگەنتتەرىن ۇستاعان. بۇل جايىندا New York Times باسىلىمىنا CIA بارلاۋ قىزمەتىنىڭ بۇرىنعى اگەنتتەرى حابارلاعان.

CIA اگەنتتەرىنىڭ ايتۋىنشا، قىتايداعى اقپارات بەرۋشى توپ مۇشەلەرى 2011 جىلدان باستاپ جوعالا باستاعان. CIA (تسرۋ) بارلاۋ قىزمەتىنىڭ بولجامدارى بويىنشا، 2010 جىلى قىتايدىڭ بارلۋ قىزمەتى CIA ىشىنە ءوز اگەنتتەرىن جىبەرۋ ارقىلى قىتايداعى CIA اگەنتتەرى جايىندا ءبىلىپ العان.

وسىعان بايلانىستى اقش-تىڭ FBI (فبر) مەن CIA (تسرۋ) بارلاۋ قىزمەتتەرىنىڭ تەكسەرۋ جۇمىستارىنىڭ ناتيجەسىندە، بۇل ىسكە  CIA (تسرۋ) بۇرىنعى قىزمەتكەرىنىڭ قاتىسى بار ەكەندىگى انىقتالعان. بىراق، وعان بايلانىستى دالەلدەردىڭ ازدىعىنان ەشقانداي قىلمىستىق ءىس قوزعالماعان.

ازىرگە New York Times باسىلىمىنىڭ بۇل مالىمدەمەسىنە CIA (تسرۋ) ەشقانداي رەسمي حابارلاما جاساماعان.

“The Qazaq Times”