ۋاشينگتوندا پەنتاگون باسشىسى دجەيمس مەتتيس تۇركيا قورعانىس ءمينيسترى فيكري ىشيكپەن كەزدەستى دەپ حابارلايدى ريا نوۆوستي اقپارات اگەنتتىگى  پەنتاگون ءباسپاسوز قىزمەتىنە سىلتەمە جاساپ.

كەزدەسۋ بارىسىندا دجەيمس مەتتيس پەن فيكري ىشيك تەرروريزيممەن كۇرەس، سۇرياداعى سوعىس ، تاياۋ شىعىس ماسەلەلەرىن بىرىگىپ شەشۋگە ۋاعدالاسقان. بۇدان بولەك مەتتيس الداعى ۋاقىتتا پەنتاگون تۇركياعا «كۇرد جۇمىسشىلار پارتياسىمەن» كۇرەسۋگە كومەكتەسەتىنىن ايتقان.

بىراق وتكەن اپتادا اقش، ءسۇريادا «يسلام مەملەكەتى» لاڭكەستىك ۇيىمىنا قارسى كۇرەسىپ جۇرگەن كۇرد اسكەري جاساقتارىن قارۋ-جاراقپەن قامتاماسىز ەتەمىز دەگەن بولاتىن.

ال رەسمي انكارا سۇرياداعى بۇل اسكەري جاساقتاردى تۇركيا اۋماعىندا تەررورلىق ۇيىم دەپ تابىلعان «كۇرد جۇمىسشىلار پارتياسىمەن» قاتىسى بار دەپ ەسەپتەيتىنىن مالىمدەگەن ەدى.

“The Qazaq Times”