فوتو: TRT

يوردانيا، مىسىر جانە پالەستينالىق لاۋازىمدىلار تاياۋ شىعىس شەشىمى ءۇشىن يوردانيانىڭ باس قالاسى امماندا باسقوستى. بۇل تۋرالى "اناتولى" اقپاراتتىق اگەنتتىگىنىڭ رەسمي سايتىندا جاريالاندى.

جينالىسقا مىسىر سىرتقى ىستەر ءمينيسترى شاميح شۇكري، يوردانيا سىرتقى ىستەر ءمينيسترى ەيمەن ەس-سافەدي جانە پالەستينا ازاتتىق ۇيىمى باس حاتشىسى سايب ۋرەيكات قاتىستى. مىسىر سىرتقى ىستەر مينيسترلىگىنەن جاسالعان مالىمدەمەدە پالەستينا-يزرايل بەيبىتشىلىك كەزەڭىنە قولداۋ بەرۋ جولدارى قاراستىرىلعانى اتاپ كورسەتىلدى.

مالىمدەمەدە امەريكا قۇراما شتاتتارى پرەزيدەنتى دونالد ترامپتىڭ مامىر ايىندا ايماققا جوسپارلاعان ساپارى الدىندا ۇشتىك كوورديناتسيا قۇرۋدى نىساناعا العاندارىن اتاپ كورسەتتى.

سونىمەن بىرگە يزرايل تۇرمەلەرىندە اشتىق جاريالاعان پالەستينالىق تۇتقىنداردىڭ ماسەلەسى دە قولعا الىنىپ، ءيزرايلدىڭ تۇتقىنداردىڭ گۋمانيتارلىق جانە ءادىل سۇرانىستارىنا جاۋاپ قايتارۋ كەرەكتىگى اتاپ كورسەتىلدى.

الدىڭعى عاسىردىڭ ورتاسىنان ياعني يزرايل ەلىنىڭ پالەستينا تەريتورياسىنان مەملەكەت بولىپ قۇرىلعانىنان باستاپ تولاستاماعان پالەستينا-يزرايل  قايشىلىعى كۇننەن كۇنگە ورشىمەسە باسەڭدەگەن جوق. ارالىقتا الەم نازارى اۋعانستان، يراك، ءسۇريا ماسەلەسىنە اۋعاندا يزرايل جىل سايىن شەكاراسىن كەڭىتىپ جاتتى. ەندى اتالعان ەلدەردىڭ تۇيىنى شەشىلۋ الدىندا تۇر. دەمەك جۇرت نازارى قايتادان وسى پالەستينا-يزرايل ماسەلەسىنە اۋارى داۋسىز.

“The Qazaq Times”