امەريكالىق سىرتقى ساياسي مەكەمەسى سوتتالعانداردى ءولتىرىپ، ورتەگەن عيماراتتىڭ سۋرەتىن جاريالادى. وسىعان دەيىن سايدنيياداعى جاپپاي ازاپتاۋ مەن ادام ءولتىرۋ جايىندا Amnesty International حالىقارالىق قۇقىق قورعاۋ ۇيىمى مالىمدەگەن. قۇقىق قورعاۋشىلاردىڭ مالىمەتىنە قاراعاندا، 2011-2015 جىلدارى تۇرمەدە 13 مىڭ ادامدى ولتىرگەن. ءبىر كۇندە 40–50 ادامدى ءولىم جازاسىنا كەسكەن. بۇل تۋرالى centralasian.org جازدى.
Amnesty International ءولىم جازاسىن تەك عانا اسكەري-قۇرلىق سوتى عانا شىعارا الادى دەيدى. تۇتقىندار ازاپتاۋ كەزىندە قىلمىستاردى مويىنداعان. باياندامادا قۇقىق قورعاۋشىلار تۇرمەدەن امان شىققان ونداعان ادامنىڭ سوزدەرىن كەلتىرەدى.
بايانداما اۆتورىنىڭ ءبىرى دايەن سەنااننىڭ سوزدەرىنشە، اپتاسىنا ءبىر رەت تۇتقىنداردى كامەرادان شىعارىپ، ەلۋ ادامدى توپتاستىرىپ، باسقا تۇرمەگە اۋىستىرامىز دەپ مالىمدەيدى. بىراق شىندىعىندا ولاردى جەراستىنداعى بولمەگە اپارادى. وندا تۇتقىنداردى ازاپتاپ، دارعا اسۋ ارقىرىلى ومىرلەرىن توقتاتادى. كەيدە تۇتقىندارعا ءبىر اۋىز ءسوز ايتپاستان، كوزدەرىن بايلاپ، ءولىم جازاسىن ورىنداپ وتىرعان. مۇنىڭ ءبارى سيريا ۇكىمەتىنىڭ جوعارى لاۋازىمدى تۇلعالارىنىڭ قاتىسۋىمەن وتەدى.
ۋاشينگتون سيريا بيلىگىن ادام قۇقىعىن بۇزىپ وتىر دەپ بىرنەشە مارتە ايىپتاعان. اتاپ ايتقاندا، اقش بيلىگىنىڭ اقپاراتى بويىنشا، اساد اسكەرى قارۋلى وپپوزيتسياعا قارسى بىرنەشە مارتە حيميالىق قارۋ قولدانعان. داماسك بولسا، ايىپتاردىڭ ءبارىن جوققا شىعارادى.
يراننىڭ رۋحاني كوسەمى: سوڭعى نارازىلىقتار كەزىندە مىڭداعان ادام قازا تاپتى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى