2016 جىلى اقش-تىڭ پرەزيدەنت سايلاۋىندا دونالد ترامپتان جەڭىلگەن حيللاري كلينتون ەندى ەلدەگى وپپوزيتسيالىق توپتاردى قارجىلاندىراتىن ۇيىم قۇرماقشى دەپ حابارلايدى Politico اقپارات كوزى.
Politico اقپارات كوزىنىڭ مالىمەتىنشە حيللاري كلينتوننىڭ ۇيىمى Onward Together (بىرگە العا) دەپ اتالماق. كلينتون ۇيىمدى قۇرۋ ماقساتىندا سوڭعى ەكى اپتادا ەلدەگى ءبىر قاتار وپپوزيتسيالىق توپتاردىڭ مۇشەلەرمىمەن كەزدەسۋ وتكىزگەن. كلينتونعا بۇل جوباعا قاراجات تابۋعا سايلاۋ كەزىندەگى قارجى ديرەكتورى دەننيس چەنگ كومەكتەسپەك. ال اقش-تىڭ ەكس-مەملەكەتتىك حاتشىسىنىڭ ورىنباسىرى دجۋديت ماككەيل مەن اقش-تىڭ دەموكراتيالىق پارتياسىنىڭ ەكس-توراعاسى گوۆارد دين ەلدە دونالد ترامپ بيلىگىنە قارسى تۇرالاتىن وپپوزيتسيالىق توپ جاساقتاماق.
حيلارري كلينتون 2001-2009 جىلدارى نيۋ-يورك شتاتىنىڭ سەناتورى كەيىنەن اقش-تىڭ مەملەكەتتىك حاتشىسى قىزمەتتەرىن اتقارعان. ال 2016 جىلى اقش-ءتىڭ دەموكراتيالىق پارتياسىنىڭ اتىنان پرەزيدەنت سايلاۋىنا قاتىسىپ رەسپۋبليكالىق پارتيا مۇشەسى دونالد ترامپتان جەڭىلىپ قالعان ەدى.
سايلاۋداعى جەڭىلىسىنەن كەيىن كلينتون 19 ناۋرىزدا ساياساتقا قايتىپ ورالعانىن، ەندى امەريكاداعى جاس ساياساتكەرلەردىڭ وسۋىنە كومەكتەسەتىنىن مالىمدەگەن بولاتىن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى