قىتاي مەن اۋعانستان تەرروريزمگە قارسى بىرىگىپ كۇرەسپەك دەپ مالىمدەدى قىتايدىڭ سىرتقى ساياسات باسقارماسىنىڭ ءباسپاسوز قىزمەتى.

بۇل جايىندا سارسەنبى كۇنى بەيجىڭدە قىتاي سىرتقى ىستەر ءمينيسترى ۆان ي مەن اۋعانستان سىرتقى ىستەر ءمينيسترىنىڭ ورىنباسارى حەكمات كارزاي كەزدەسۋىندە كەلىسسوز جۇرگىزىلگەن.

كەزدەسۋدە قىتاي ءسىم ۆان ي اۋعانستانمەن بىرلەسىپ تەرروريزمگە قارسى «ءبىر بەلدەۋ-ءبىر جول» ستراتەگياسىن جۇزەگە اسىرعىسى كەلەتىنىن بىلدىرگەن.

ال حەكمات كارزاي ءوز كەزەگىندە قىتايمەن بىرلەسىپ اۋعانستان اۋماعىندا جاسىرىنىپ جۇرگەن لاڭكەستىك  ۇيىمداردى، ونىڭ ىشىندە «شىعىس تۇركىستان» تەررورلىق توبىن ءبىر جولاتا ەل اۋماعىنان جويىپ جىبەرۋدى جوسپارلاپ وتىرعاندىقتارىن ايتقان.

ءساۋىر ايىندا اقش اسكەريلەرى اۋعانستان اۋماعىنداعى "يسلام مەملەكەتى" لاڭكەستىك ۇيىمىنا قارسى جويقىن بومبى قولدانعانان كەيىن.  رەسەي مەن قىتاي اۋعانستان جەرىندەگى اقش-تىڭ اسكەري ءىس-قيمىلدارىنا الاڭداۋشىلىق تانىتا باستاعان بولاتىن.

“The Qazaq Times”