پەنتاگون اقش-تىڭ جانە سەرىكتەس ەلدەردىڭ  كومپيۋتەرلىك قاۋىپسىزدىك ماماندارىن مەملەكەتتىك قۇپيالار ساقتالاتىن ارنايى ۆەب-سايتتاردى بۇزىپ، مالىمەتتەردى ۇرلاۋدى بايقاپ كورۋگە شاقىرىپ وتىر.

بۇل اكتسيا 2016 جىلى "پەنتاگوندى بۇزىپ كور" باعدارلاماسىنىڭ  اياسىندا وتكىزىلىپ جاتىر. بىلتىر بۇل شاراعا ۇلىبريتانيا، كانادا، اۋستراليا جانە جاڭا زەلانديادان 1500-دەن استام مامان قاتىسىپ پەنتاگوننىڭ بازاسىنداعى 100 شاقتى قاتەلىكتەر مەن وسال تۇستارىن انىقتاعان بولاتىن. ناتيجەسىندە ۇزدىك حاككەرلەرگە 150 مىڭ دوللاردان ۇتىس بەرىلگەن ەدى. ال سايتتاردىڭ بۇل وسال تۇستارىن باسقا ماقساتتا تاۋىپ، اقپارات ۇرلاناتىن بولسا، پەنتاگونعا ميلليونداعان شىعىن كەلەتىن ەدى.

پەنتاگوننىڭ بۇل باعدارلاماسى الەمدىك تاجىريبەدە العاشقىلاردىڭ ءبىرى بولىپ تابىلادى. وسى ۋاقىتقا دەيىن بۇل باعدارلاماعا تەك قورعانىس مينيسترلىگىنىڭ ماماندارى عانا تارتىلعان. ال بۇگىندە بۇل جوباعا الەمنىڭ ۇزدىك حاككەرلەرىن شاقىرتىپ وتىر.

"The Qazaq Times"