19 qırküyekte äuejay isine qatıstı apellyaciyalıq sottı oflayn ötkizudi talap etip, Almatı qalalıq sotı ğimaratına kire almağandar şetinen qudalanıp jatır. 22 qırküyek küni belsendi Mayra Ğabdulina men Marat Twrımbetovke ayıppwl salıp, Abzal Dostiyarovtı 15 künge qamağan-twğın. Bwl äzirge bizge belgilisi. Al, 25 qırküyek tañğı 10:00-ge tirkelmegen Dempartiyanıñ müşesi belsendi bloger Arujan Düysebaeva Almalı audandıq policiya basqarmasına şaqırılğan.
Arujan policiya basqarmasınıñ aldına öz jaqtauşılarımen birge adokatı Jalğas saparhandı erte kelgen. Basqarma aldında özderin işke kirgizudi kütip twrıp, keyinnen kelgen qızmetkermen til turalı kelispey qaldı. Artınşa ekinşi policey kelip, Doysebaeva men advokatın işke alıp ketti.
Qwqıq qorğauşı Inga Imanbay Düysebaevanıñ qudalanuına qala äkimi Erbolat Dosaevtıñ tikeley qatısı bar dep sanaydı.
Policiya basqarmasımen qalalıq prokuratura ayıptauğa eş sıltau tappağanın aytqan Arujan men Advokat Jalğas Saparqanova kinäsizdiktenin däleldegenderin ayttı. Apellyaciya otırısı ötetin küni prokuror men äkimdik ökili azamattarğa tarau jöninde eskertpe jasağan kezde Arujan oqiğa ornında bolmağan. Sondıqtan policiya taqpaq bolğan ayıp dälelin tappay, is toqtadı. Qoğamdıq mäni zor sotqa qatısuğa barıp, sottı bolıp jatqandar Qañtardan keyin bilik jii qaytalap, köp uäde berip jürgen Jaña äri Ädiletti Qazaqstan sayasatına senbeytinin aytadı.