Bügin Taldıqorğan qalasınıñ sotında Qañtar qırğını kezinde wstalğandardı «azaptauşı» bes policeyge sot ükimi oqıldı. 39-otırısta sud'ya Bekmwrat Düysenbekov küdiktilerdiñ bäri Qılmıstıq kodekstiñ «azaptau» babımen (146-baptıñ 2-böligi) kinäli dep tanıdı.

Sud'ya Qandı Qañtarda wstalğandardı «ütik basıp, azaptadı» dep ayıptalğan Aydın Kenjaebaev pen Janbaqıt Nwrtazanı 4 jılğa, Saparmwrat Toqtaştı 3.5 jılğa, Almas Boqanov pen Ermek Jwmaşevtı 3 jılğa bas bostandığınan ayırdı.

Sottaluşılardıñ barlığına üş jıl qwqıq qorğau jüyesinde jäne memlekettik qızmette jwmıs isteuge tıyım salınıp, olar şenderinen ayırıldı.

Sottaluşılar ükim jariyalanğan boyda sot zalında qamauğa alındı. Aydın Kenjebaevtıñ qamauda bolğan bir küni jaza merziminiñ bir jarım künine, qalğan sottaluşılardıñ üyqamaqta otırğan bir küni eki täulikke esepteldi.

Jetisu oblıstıq sotınıñ resmi aqparatında sottaluşılar ayıbın tolıq moyındağanı, «jäbirlenuşiler olardı keşirgeni» jazılğan.

Bes aydan asa qaralğan «azaptau» isine 23 jäbirlenuşi jäne 5 sottaluşı policey qatıstı. Jwma küni sot ükimi oqılar aldın policeyler jäbirlenuşilerden keşirim swrap, sottan şarttı jaza swrağan.

Alğaşında jäbirlenuşiler tarabı «azaptauşı» policeylerden qoqan-loqı, qısım körip jatqanın aytıp şağınğan edi. Keyin olarğa keşirim bergenin, procesualdı kelisimge keletinin mälimdegen.

Bilik dereginşe kemi 238 adam qaza tapqan Qañtar qırğınında qwqıq qorğau organdarınan azap körgen jüzdegen adam arız tüsirgen. Degenmen qozğalğan istiñ derligi jabılıp qalğan. Qwqıq qorğau wyımdarınıñ mälimetinşe, Qañtarda on mıñnan asa adam wstalıp, onıñ jetpis payızı azaptalğan. Saraşılar «jappay azaptau nauqanı» qwqıq qorğau organdarına qoğamdıq senimdi qattı tömendetkenin aytadı.

The Qazaq Times