Foto: nsn.fm

"Talibannıñ" joğarğı jetekşisi (terror wyım retinde Qazaqstanda tıyım salınğan) Haybatulla Ahundzada auğan sud'yaların sot isin jürgizu men ükim şığararda şariğat zañın basşılıqqa alu jöninde bwyrıq berdi, -dep jazdı Ortalıq Aziya Jañalıqtar qızmeti.

Bwl - jwrt aldında öltiruğa, taspen wru, adamnıñ bası men özge de dene müşelerin şabuğa mümkindik berildi degendi bildiredi. 2021 jıldıñ tamızında bilikti alğan "Taliban" qozğalısı 1990 jıldardağı teokratiyalıq diktaturadan bas tartıp, "jwmsaq basqaru sipatına" köşuge uäde bergen edi.

Ahundzada sud'yalardı şariğat zañı boyınşa "hudud" sanatına jatatın qılmıstarğa erekşe nazar audaruğa şaqırğan. "Wrlıq, qaraqşılıq, közge şöp salu nemese közge şöp saldı dep jala jabu, işimdik işu jäne dinnen bezu" dep atalatın mwnday qılmıstarğa şariat jazası naqtı belgilengen. Qwqıq qorğauşılar ükimettiñ wstanımına qayşı keletin kez kelgen azamattıq belsendilik "dinnen bezu" sanaluı mümkin dep qauiptenedi.

Bıltır Auğanstan biligin "Taliban" alğan soñ qwqıq bwzğan adamğa köpşilik aldında düre soğıp jatqan videolar BAQ pen äleumettik jelide payda bolğan. "Taliban" policiyasınıñ "wstau kezinde ölgen qılmısker" denesin jwrt aldına tastaytını bayqalğan.

Tälipter ükimeti bwrın NATO-nıñ äskeri bölimderi men halıqaralıq wyımdarda jwmıs istegen nemese olarmen baylanısta bolğan jürgizuşi, audarmaşı siyaqtı adamdardı quğındap jatır deytin pikirlerdi teriske şığaruğa tırısadı. Auğanstan äyelderiniñ bilim alu, jwmısqa twru, qoğamdıq qızmetken aynalısu, erkin jürip-twru qwqıqtarı da kürt şektelgen.

"Taliban" qozğalısın älemniñ köptegen elderi, sonıñ işinde Qazaqstan da terror wyım dep sanaydı. Alayda 2021 jılı tamızda Auğanstandağı bilikti alğan täliptermen birqatar elderdiñ resmi ökilderi kezdesken. Qazaqstan prezidentiniñ arnaulı ökili bastağan resmi delegaciya Kabulge barğan. Resey prezidenti Putinniñ şaqıruımen tälip biliginiñ basşıları Reseyge barıp, Reseymen ekonomikalıq kelisim jasasqan.