Jozef Bayden Aq üyde mälimdeme jasadı. Foto: VOA,

Amerika Qwrama Ştattarı Auğanstandağı äskeri missiyasın 31 tamızda ayaqtaydı. Aq üyde mälimdeme jasap, Amerika tarihındağı eñ wzaq soğıstı toqtatu turalı şeşimin tağı bir ret qorğağan prezident Jozef Bayden osınday mälimdeme jasadı.

Bayden sözinde AQŞ-tıñ 20 jıl işinde 1 trln dollar qarjı sarıp etkenine jäne 2400 amerikalıq sarbazdıñ qaza tapqanının basa ayta kelip, qazirgi amerikalıqtardı 20 jıl bwrınğı sayasatqa baylaudıñ mümkin emes degen pikirin bildirdi. 2001 jılı 11 qırküyek oqiğasınan keyin Qwrama Ştattar özine şabuıl jasağan terrorlıq toptardı «jazalau» maqsatında Auğanstanğa kirgen edi.

Aq üy basşısı sözinde AQŞ endigi basımdıq beretin bağıttarı retinde  kelesi pandemiyağa dayındıq, Qıtaymen ekonomikalıq bäsekelestikke qabilettiligin arttıru jäne «klimattıñ özgeru qaupine» jauap beru dep körsetti.

«Wzaq merzimnen alıp qarağanda, biz ötken 20 jıl üşin emes, aldağı 20 jıl üşin küresetin bolsaq, biz öz bäsekelesterimizben şınayı kezdeskende olardan küştirek bolamız», – dedi Bayden sözinde.

Bayden kezekti telejoldauın Aq üyde jasadı. Ol jurnalisterdi qabıldaudan birneşe sağat bwrın onıñ keñesşileri Kamala Harris ekeuine Auğanstandağı soñğı jağdaylar turalı esep bergen bolatın. Al, osı seysenbide Pentagon jasağan mälimdemede AQŞ küşteri Auğanstannan şeginu procesiniñ 90 payızın orındap bolğanın aytqan bolatın.

“The Qazaq Times”