Fotokollaj: SRA

AQŞ-tıñ Wlttıq barlau qızmeti jariyalağan bayandamada Resey men Irannıñ 2020 jılğı prezidenttik saylauğa aralasqanı aytılğan. Bayandama avtorlarınıñ aytuınşa, Resey Donal'd Tramptıñ qayta saylanu mümkindigin arttıru üşin jalğan aqparat taratqan.

Bayandamada Putin Djo Baydenniñ bedelin tüsiru turalı bwyrıqa bergeni jazılğan. Sonımen qatar, avtorlar: «2020 jılı birde-bir şeteldik derjava Reseydiñ siyaqtı saylauğa äser etu maqsatında keñ auqımdı nauqan jürgizuge tırıspadı. Al Resey demokratiyalıq partiyanıñ elektrondıq poştasına hakerlik şabuıl jasap, äleumettik jelilerde feyk habar tarattı», – deydi.

Reseydiñ 2020 jılı AQŞ-tağı saylau kampaniyasına aralasqanı jaylı twjırımdar 16 naurızda jarıq körgen AQŞ wlttıq barlau qızmeti jariyalağan 15 bettik bayandamada aytıladı. Qwjatta Tramptıñ odaqtastarı Mäskeu müddesine say äreket etip, reseyşil qızmetkerlerdiñ Baydendi sınauına atsalısqanı jazılğan.

Amerika barlau qızmetiniñ sarapşıları sonımen birge Kuba, Venesuela jäne livandıq radikal top «Hezbollanıñ» saylauğa aralasuğa tırısqanın da atap ötedi. Alayda olardıñ mümkindikteri Resey men Iranmen salıstıruğa kelmeydi dep sanaydı. Bayandamada Qıtay biliginiñ de Amerikadağı prezidenttik saylauğa aralaspaq bolğanı, biraq bwdan eşteñe şıqpağanı jazılğan.

"The Qazaq Times"