AQŞ-tıñ Memlekettik hatşısı Antoni Blinken. Foto: anna-news.info

AQŞ Senatı Memlekettik hatşı lauazımına Entoni Blinkenniñ kandidaturasın bekitti. Ol Barak Obama kezinde wlttıq qauipsizdik boyınşa keñesşiniñ orınbasarı qızmetin atqarğan.

Jañadan saylanğan Entoni Blinken 2015-2017 jıldar aralığında AQŞ memlekettik hatşısınıñ orınbasarı bolıp jwmıs istegen. Djo Baydenniñ prezidenttik nauqanı kezinde sırtqı sayasat boyınşa bas keñesşisi bolğan. Kandidaturasın bekitu boyınşa tıñdalım kezinde ol Donal'd Tramp äkimşiliginiñ sırtqı sayasat boyınşa mañızdı swraqtarın qayta qarastıruğa uäde berdi.

Bwğan deyin AQŞ Memlekettik hatşısınıñ qızmetin Mayk Pompeo atqarğan bolatın. Pompeonı atalğan lauazımğa 2018 jılı säuirde prezident Donal'd Tramp wsınğan.

Tramp äkimşiligindegi Pompeo qızmettik kezeñi ayaqtalar twsta, eki apta bwrın Qıtaydıñ Şıñjañ sayasatın «genocid» dep ayıptadı. Pompeonıñ mälimdemesin jañadan saylanğan memlekettik hatşı Entoni Blinken de qoldaytının mälimdedi.

Bwl ayıptaudı ädettegidey joqqa şığarğan Beyjiñ AQŞ-tıñ 28 lauazımdı twlğasına sankciya engizetinin habarladı. Olardıñ qatarında Aq üy janındağı Wlttıq sauda keñesiniñ basşısı Piter Navarro, prezidenttiñ wlttıq qauipsizdik jönindegi kömekşisi Robert O ' Brayen, AQŞ-tıñ BWW janındağı Twraqtı ökili Kelli Kraft, AQŞ Densaulıq saqtau ministrliginiñ bwrınğı basşısı Aleks Azar jäne Tramptıñ wlttıq qauipsizdik jönindegi bwrınğı keñesşisi Djon Bolton bar.

"The Qazaq Times"