Qıtaydağı koronavirus qaupi küşeydi. Foto: BBC6

Qıtaydıñ Densaulıq saqtau ministrligi Uhannan şıqqan qauipti jaña virustıñ basqa provinciyalarğa taray bastağanın mälimdedi. Qıtay ortalıq qalası Beyjiñde jaña virus jwqtırğan eki adam anıqtaldı jäne Guañdwñ (Guandun) pen Şınjında (Şen'çjen') jerinde de bayqaldı. Al, jwqpalı derttiñ oşağı bolğan Uhanda qauipti virus jwqtırğandar sanı eki jüzge jetip, üş adam qaza taptı.

Jeltoqsan ayında Qıtaydıñ Uhan jerinde qauipti jaña virus tarap, eki adam köz jwmğanı belgili. Singapur men Gonkong Qıtaydıñ Uhan qalasınan kelgen jolauşılardı tekseruden ötkizip jattı. Al, ötken jwma küni bwnday şaralar AQŞ-tıñ üş ülken äuejayında bastaldı. Biraq, atalğan virusti jwqtırğandar Qıtaydıñ basqa provinciyalarında da payda bolıp, jwqpalı derttiñ masştabı keñeyip ketti. Tipti, Tayland pen Japoniyadan da tabıldı.

Densaulıq saqtau mamandarınıñ aytuınşa Qıtayda atalğan viruspen jwğımdalğan adamdar sanı resmi derekterden älde qayda köp boluı mümkin. Bwdan eki kün bwrınğı mälimette, Qıtay biligi virustiñ 60 türin anıqtağanı aytılğan edi. Biraq, Londondağı zertteude 1700-ge deyin jetken.

Mamandardıñ aytuınşa, anıq esebin körsetu qiın bolğanımen, aurudıñ taralu masştabın anıqtauğa boladı. Ol üşin virus payda bolğan qalanıñ halıq sanı jäne jolauşılar sanı esepke alınadı. Uhanda şamamen 18 million adam jasaydı, al onıñ halıqaralıq äuejayınan şetelderge sayahattau nemese iskerlik maqsatta är küni 3,4 mıñ şamasındağı adam şığıp otıradı.

Qıtay biligi qazirşe virustıñ adamnan adamğa jwğuı tirkelgen joq dep sendiruge tırısuda. Biraq, bwl köpşilik auditoriyanıñ kümänin küşeytip twr. Anığında, virustıñ qanday jolmen tarap jatqanı da tolıq anıq bolmağan. Eger aua arqılı taraytın virustar bolsa, onda halıq sanı tığız Qıtay üşin bwnıñ zardabı auır. Tipti, bwl älem elderi üşin de qauipti.

“The Qazaq Times”