Şığıs Türkistannıñ täuelsizdigi üşin küresken wlt azattıq köterilistiñ qolbasşısı Ospan batır Silämwlınıñ (1899-1951)  tuğanına 120 jıl toluına oray ötken «Twran romantizmi» taqırıbında ötken suret, qolöner bayqauınıñ jeñimpazdarı anıqtaldı.

Wlt azattıq köterilistiñ qolbasşısı Ospan batır Silämwlınıñ beynesi tarihta zerttelip, ädebiette somdalğanımen, körkemönerde mülde qozğalmağan tıñ taqırıp. Körme osınısımen de erekşe. Körmege  bwdan özge mwralardı jañğırtu men jaña tosın ideyalarımen qoğamdı oylantuğa şaqıratın jwmıstar da qabıldandı. Bwl taqırıp suretşilerge azamattıq közqaraspen   ün qosuğa ündeydi.  «Twran romantizmi» körmesi qazaq suretşileriniñ taqırıptı köru sıypatımen erekşelenip,   qilı tarihımızdıñ eñ jarqın körinisterin, syujetterin erek körkem obrazdarmen körsetu bolıp sanaladı. Sonımen qatar mwralardı jañğırtu, jaña tosın ideyalarımen qoğamdı oylantuğa şaqıratın jwmıstar qoyıldı.

Bayqauğa "Er Jänibek" halıqaralıq qoğamdıq qorınıñ prezidenti Jeñis Türkiya, jazuşı, professor Dosan Baymollla, QR mädeniet qayratkeri, professor Bazarbaeva Rauşan, QR suretşiler odağınıñ müşesi Habdırahman Otarbay, jazuşı, jurnalist, "Darın" memlekettik jastar sıylığınıñ iegeri Näzira Bayırbek qazılıq etti.

Bayqau nätijesinde bas jüldeni Äset Jaqıpbektiñ maylı boyaumen salınğan «Qaharlı Altay» sureti ielendi.

Bas jülde iegeri - Äset Jaqıpbek

Birinşi orındı Daubaev Estaydıñ «Twran – Ruh» müsini ielendi.

Birinşi orın ielengen jwmısı

Ekinşi orınğa Qanatbek Çagiev pen Däuren Makinniñ «Ospan batır» sureti layıqtı dep tanıldı.

Ekinşi orın - Qanatbek Çagievtiñ "Ospan batır" tuındısı

Ekinşi orın - Däuren Makinniñ kartinası.

Al Serik Taynov, Qanat Şükirbekov pen Baqıtbek Mwhamedjanvtıñ eñbekteri üşinşi orınğa ie boldı.

Üşinşi orın - Serik Taynovtıñ eñbegi

Romantizm stiline tän kontrast, ekspressiya, dinamikanı küşeytu, tosın  şeşimder, mifologiya, simvoldar siyaqtı kez kelgen ädis, bastı jetistik, erekşelik, mwmkindigimiz qanday degen saualdarğa jauap bereri anıq. Körmege qazaqtıñ körkemöneriniñ negizin ayqındap kele jatqan belgili suretşileri Q.Äjibek, Ä.Jaqıpbek,  Q.Şükirbekov, A.Gubaşov, O.Kabdrahman, Ä.Baqtıgereev, S.Taynov siyaqtı t,b belgili keskindemeşiler qatısuda. Sonımen qatar qoldanbalı önerdiñ äygili  şeberleri E.Daubaev, S.Başirov, S.Bapanova, R.Bazarbaeva t,b qatar uaqıtımızdıñ beldi müsinşileri B.Qwsaynov, B.Mwhamedjanovtar  qatısuda. Bwl körmede jastar belsendiligi öte joğarı. D.Makin, Q.Omarhan,T.Tabısbek, T,Jwmağwlov, B.Dosjanov, J.Bauırhan,  D.Sarbasov siyaqtı jastardıñ izdenis kökjiekterin köre alamız.

Üşinşi orındı ielengen kartina - Qanat Şükirbekovtıñ "Ospan batır" kartinası

Bwdan basqa osı körmege qatısqan är suretşiniñ idealdar arqılı jaña mädeniet stiliniñ bir qırın ğana,  wlttıq    mädeniettiñ «gendik jinağı», tanımdıq ömir saltınıñ   körkemdik mwratın da wğına alamız. Sondıqtan, körme   Twran mädenietiniñ beynesinen, dästürli  qwndılıqtarınıñ   dünietanımınan,   özindik   körkemdik beyneleudegi mwrattarınan,  basqa  köptegen   qwndılıq   qırlarınan   habar  beredi.

Üşinşi orınğa layıqtı dep tanılğan eñbek - Baqıtbek Mwhamedjanovtıñ "Batır Ospan" b'yusti

Wlt azattıq köterilistiñ qolbasşısı Ospan batır Silämwlına arnalıp otırğan  bwl körme öner şındığın bilip tanuımızğa ıqpal jasap, bizdiñ önerimizdiñ estetikalıq jağın bağalaytın qoğamdağı ülken qwbılıs retinde, suretşilerdiñ qoğamdağı bedelin arttırıp,  körkemönerdiñ  rölin nığaytpaq.

"The Qazaq Times"