Şetelde täjikstandıq ondağan memlekettik organdardıñ saytı jwmıs istemey twr

Şetelde täjikstandıq ondağan memlekettik organdardıñ saytı jwmıs istemey twr.

19 mamırda qatañ rejimdegi Vahdat koloniyasındağı tärtipsizdikten soñ, Täjikstanda birneşe sayttar bwğattaldı. Bwdan soñ, birneşe memlekettik organdardıñ sayttarı da elden tıs jerlerde isten şıqtı. Atap aytqanda, İİM,  Keden komiteti, Bas prokuratura, sot, Din komiteti, Mädeniet ministrligi, Bilim ministrligi, Ğılım akademiyası sındı sayttarğa kiru mümkin bolmay qaldı. Atalğan sayttar tipti VPN arqılı da aşılmaydı.

Jeli qoldanuşılarınıñ aytuınşa, bir aptadan beri memlekettik vedomstvolar men ministrlikterdiñ sayttarına kiru mümkin emes. YAğni, 20 mamırdan bastap Täjikstan biligi Google qızmetterin, YouTube, Facebook, Twitter, "Sınıptastar", Instagram sekildi äleumettik jeliler men jañalıqtar sayttarın bwğattadı. Saldarınan memlekettik vedomstvolar men ministrlikterdiñ sayttarı da istemey qalğan.

Jalpı, Täjikstanda da Qazaqstandağı sekildi elde bolıp jatqan oqiğalar turalı, äsirese qoğamda rezonans tudıruı mümkin aqparattardı şekteu maqsatında ärtürli aqparattıq resurstar, äleumettik jeliler jii bwğattaladı. Mäselen, mamır ayınıñ basında elde äleumettik jeliler men jañalıqtar sayttarı bwğattalıp, Internet jelisiniñ sapası naşarladı. Sonday-aq, bwğan deyin Täjikstan Monopoliyağa qarsı qızmeti mobil'di internet bağasınıñ köteriletinin habarlağan edi. Alayda, halıqtıñ aşıq narazılıqtarınan soñ el prezidenti Emomali Rahmon jobağa qol qoyğan joq.

Al, EQIW jäne "Şekarasız reporterler" sekildi halıqaralıq wyımdar Täjikstan biligin Internet-resurstardı bwğattaudan bas tartuğa şaqırdı.

"The Qazaq Times"