Foto: centrasia.ru

Merzimi bitken tölqwjatpen şet memleketterde jürgen türkimenstandıq azamattar otandarına oralğannan keyin qamauğa alındı, - dep habarlaydı trend.az aqparat közi.

Äsirese, biliktiñ uädesinen keyin Türkiyadan oralğan 20 adam twtqınğa alınğan. Soñğı aylarda Türkimenstannıñ  türli aymaqtarında şetelde jürgenderdiñ jaqındarına da tuıstarın elge oraltuğa tapsırma berilgen edi. 2008 jılı Türkimenstan şeteldik saparlar üşin arnayı tölqwjat engizip, onı tek eldegi köşi-qon mekemesinen beruge ükim şığarılğan bolatın. Osığan oray, şet memleketterdegi elşilikterdiñ birıñğay ülgidegi eski qwjattardı jañasına auıstıru ökilettiligi joq. 12 mausımda Türkimenstannıñ Daşoguz qalasınıñ bir twrğını birneşe märte Türkiyağa wşıp ketuge tırısıp, jolı bolmağandıqtan öz-özine qol jwmsağan edi. Qazirgi uaqıtta Türkimenstan biligi el şetinde jürgen azamattarına qatıstı resmi mälimet bermey otır. Türkiyanıñ Köşi-qon qızmetiniñ habarlauınşa, tek 2016-2017 jıldardıñ özinde sol elde 25 mıñ türkimenstandıq tirkelgen. Resmi mälimetter boyınşa, Türkimenstan azamattarı künköris üşin körşi memleketterge, äsirese Qazaqstan, Äzirbayjan elderine köp şığadı. Osı jağday qazirgi uaqıtta eldi ülken äleumettik tolqınıstıñ şegine jetkizip otır.

 “The Qazaq Times”