Foto: kamuoyu.org

Düniejüziniñ geografiyalıq kartasında özgeris boluı mümkin. Keşe Rumıniya parlamenti tarihta "Bessarabiya" degen ataumen belgili Moldova jeriniñ Rumıniyamen biriguiniñ 100 jıldığına oray ötkizilgen eske alu jiınında Moldovamen birigu nietin bildiretin deklaraciya jariyaladı, dep habarlaydı " kamuoyu.org"

Rumıniya halqınıñ Moldovamen birigu tilegin jetkizgen bwl deklaraciya arqılı, mwnday bastamanıñ Moldova halqınıñ şeşimimen ğana jüzege asırılatını, Rumıniya halqınıñ osı tarihi şeşimge dayın ekendigi habarlandı.

"Bir wlıs, bir wlt retinde tanıludı wsınamın"

Deklaraciyada Bessarabiya aymağınıñ "Atajwrtpen" biriguiniñ 100 jıldığında osı aymaqtıñ bügingi atauı Moldova men Rumıniyanıñ qaytadan birigu tilekteriniñ zañdı jäne dwrıs ekendigi de tilge tiek etilgen. Parlamenttiñ eske alu jiınında söz alğan Social-Demokratiyalıq Partiyasınıñ (PSD) basşısı Liviu Dragnya, Europa Qauipsizdik jäne Intımaqtastıq Wyımınıñ 1975 jılğı Hel'sinki aktisine nazar audarttı. Ol bwl aktiniñ Europa halıqtarınıñ "özin-özi anıqtau jäne teñ qwqılıq" qağidası qwqığına arnalğanın atap ötip, "Men Rumıniyanıñ Moldovamen qosılıp, Europa sahnasında bir wlıs, bir wlt retinde tanıluın wsınamın", - dedi.

Moldova da birlesuge "ketäri" emes

Rumıniya Parlamentiniñ "Rumın halqı men Moldovanıñ birigui" attı jiınına Moldova Parlamenti men Moldova ükimetiniñ ökilderi de qatısqan. Moldova Parlamenti basşısı Ardian Djandu öz sözinde Moldova halqınıñ Rumıniyanıñ qoldauına mwqtaj ekenin aytıp, büginge deyin Europağa aparatın joldar men köpir qwrılıstarınıñ jäne özge de aymaqaralıq isterdiñ tek Rumıniyanıñ kömegimen ğana jüzege asırılğanın jasırmadı.

Tarihta "Wlı Rumıniyanıñ" bir bölşegi retinde qarastırılıp kelgen Moldova men Bessarabiya aymağı, Osman imperiyası men Resey arasındağı soğıs saldarınan 19 ğasırda Osman imperiyasınıñ qwramınan şığıp, Reseyge ötken bolatın.

 

“The Qazaq Times”