Resey men AQŞ basşıları. Foto: Al Jazeera.

Dayr-äz-zur oqiğalarınan keyin Süriyadağı AQŞ küşteri Reseymen ıntımaqtastıq jasasu nietine keldi. Şeteldik bwqaralıq aqparat qwraldarınıñ 18 qırküyek küngi habarına sensek, AQŞ-tağı ştabtar komitetiniñ törağası Den Fyud «Pentagon qosımşa qadamdar jasap, Süriya äue keñistigindegi äskeri operaciyalar kezinde Resey armiyasımen ıntımaqtastıq jasauğa nietti» dep mälimdegen. Bwl turalı «Şinlañ»-nıñ resmi saytı jazdı.

AQŞ bastamaşı bolğan «Islam memleketi» wyımına qarsı halıqaralıq koaliciya 16 qırküyek küni jasağan habarlamasında, Resey jaqtıñ arab pen kürdterden qwram tapqan «Süriya demokratiyalıq küşterimen» küresuge dayındalıp jatqanın ayttı. Alayda, Resey Qorğanıs ministrligi taratqan mälimette, Resey äsker-äue küşteri qolbasşılığı Dayr-äz-Zurda  äskeri operaciyasınıñ auqımı turasında aldın ala AQŞ küşterine seriktesterine ayttı.

Den Fyudtiñ aytuınşa, Pentagon qosımşa qadamdarğa dayındalıp jatır. Atalğan aymaqtağı äue operaciyalarınan keyin Resey jäne AQŞ äskeri küşteriniñ ıntımaqtastıq ornatuınan sondağı bas qolbasşığa tikeley tapsırma beriledi eken. Ol tağı sözinde «AQŞ qoldau tanıtıp kele jatqan keybir oppoziciya küşterin Resey ÄÄK-i Evfrat özeniniñ şığıs jağalauında bombılağan. AQŞ pen Resey arasındağı qaqtığıstı joyu üşin şaralar jasaluı tiis» dedi.

Den Fyudtiñ mälimetine qarağanda ötken aptanıñ soñğı künderi ol Kreml' lauazımdı twlğanıñ birimen telefon arqılı habarlasıp, eki eldiñ äskeri oficerleri baylanıs arnasın ornatu nietin bildirisken. Äri Süriya isinde birlese otırıp, eñ bastı terrorlıq toptardı talqandau kerek dep tapqan. Bwl Süriya mäselesindegi oñdı özgeris dep bağalauğa jäne Süriya qayşılığınıñ şeşim tabuınan ümit bar degendi körsetedi.

“The Qazaq Times”