Türik eliniñ Sırtqı ister ministri Mavlüt Çavuşoğlw. Foto:Vesti.ru.

Türkiya Sırtqı ister ministri AQŞ pen Resey arasındağı dauğa aralastı. Olar AQŞ-tıñ Reseyge bağıttalğan jaña sankciya şaralarına Türkiya jaqtıñ qarsı ekenin bildirdi. Bwl turalı sol eldiñ eñ ülken aqparattıq agenttigi «Anatolı»-nıñ resmi saytı jazdı.

Türkiya SİM basşısı Mavlüt Çavuşoğlw mälimdeme jasap, Resey qaratılğan sankciya şaralarına qarsılığın bildirdi. Ol Reseyge bağıttalğan şaralardıñ Türkiya ekonomikasına keri äserin tigizetindigin alğa tarttı. Ol sözinde: «Türkiya osıdan bwrın Resey bağıttalğan şekteu şaralarınan aytarlıqtay ziyanğa tap boldı. Körşi jäne odaqtasımız bolğan Reseyge qarsı şara qoldanu bizdiñ ekonomikamızğa ziyan tigizedi. Sondıqtan biz Reseyge qarsı şaralardı qoldamaymız», – dedi.

Osılayşa Batıs elderimen qarım qatınası salqındağan türik eliniñ twğırı öz aynalasındağı eldermen odaqtastıqtı barınşa saqtauğa oyısıp keledi. Arab elderi jäne Resey, Iran, türki tildes elderimen bolğan sayasi ıntımaqtastıqtı barınşa tereñdetudi közde wstap otır. Türik eliniñ ministri sözinde: «Biz bwdan keyin de Reseyge qarsı şara qoldanuğa qatıspaymız. Biz öñirdegi sayasi ıntımaqtı tañdaymız», – dep Reseyge bolıstı.

Qara teñiz arqılı körşiles jatqan Türik eli men Resey ekonomikası jan-jaqtan bir-birine baylaulı. 2015 jılı Resey men Türkiya arasındağı salqın qabaq kirbeñdikten oñbay wtılğan Erdoğan, endigi jerde orıs körşisiniñ wpayın tügendey jürudi de eskerse kerek.

“The Qazaq Times”