Amerikalıq Associated Press (AP) jañalıqtar agenttigi prezident qatısatın şarağa kirgizbegeni üşin Donal'd Tramp äkimşiligindegi üş şeneuniktiñ üstinen sotqa arız tüsirdi. Agenttik öz tilşilerine baspasöz jiındarına qatısuğa rwqsat berudi, şeneunikterdiñ bwl äreketin baspasöz erkindigin bwzu dep tanudı jäne keltirilgen şığındı öteudi talap etip otır.

Daudıñ mäni nede?

Aqpan ayında Aq üy AP jurnalisterine prezident qatısatın iri şaralarğa qatısuğa tıyım salğan bolatın. Ädette prezidenttiñ kabineti, wşağı jäne Tramptıñ Floridadağı jeke rezidenciyası sekildi orındarğa jurnalister kirgiziletin. Alayda, bwl şekteudiñ engiziluine AP agenttiginiñ Meksika şığanağınıñ jaña atauın paydalanudan bas tartuı sebep bolğan.
Qañtar ayında Donal'd Tramp Meksika şığanağın "Amerikalıq şığanaq" dep atau turalı jarlıq şığarğan edi. Biraq AP agenttigi tarihi ataudı paydalanudı jalğastırıp, tek Vaşingtonnıñ jaña atau turalı wstanımın eskertuge ğana kelisken. Osı jağdaydan keyin agenttik tilşileri prezident qatısatın şaralarğa kire almay qaldı.

AP ne talap etip otır?

AP agenttigi Vaşingtondağı aymaqtıq sotqa şağım tüsirdi. Qwjatta "AQŞ-tağı baspasöz jäne barlıq azamat ükimettiñ qısımınan qorıqpay söz oramın tañdauğa qwqılı" delingen. Agenttik bwl äreketti Konstituciyağa qayşı dep atap, sottıñ bwl mäseleni keñeytilgen sot alqasında qarauın swradı.

Aq üydiñ jauabı

Tramp äkimşiligi AP-diñ bwl äreketin "aqılğa qonımsız" dep bağaladı. Aq üydiñ kommunikaciya jönindegi direktorı Stiven Çung AP jurnalisterin "ideologiyağa wşırağan" tilşiler dep atadı. Ol äkimşiliktiñ bwl isten jeñilmeytinine senimdi ekenin mälimdedi.
Degenmen, 20 aqpanda prezident Tramp respublikalıq gubernatorlarmen kezdesu barısında sotta jeñilui mümkin ekenin moyındadı, biraq bwl "mañızdı emes" ekenin ayttı.

Baspasöz erkindigine äseri

Bwl oqiğa AQŞ-tağı baspasöz erkindigi mäselesine qatıstı ülken talqılau tuğızdı. Sarapşılar bwl jağday jurnalisterge qısım körsetu äreketi retinde qarastırıluı mümkin ekenin alğa tartadı. Eger sot AP-diñ paydasına şeşim şığarsa, bwl baspasöz ökilderiniñ qwqığın qorğauda mañızdı precedentke aynaluı mümkin.
Kelesi sot tıñdauınıñ naqtı uaqıtı äli belgilengen joq.