Foto: ulysmedia

Qazaqstan Prezidenti Qasım-Jomart Toqaevtıñ «Körpeñe qaray kösil» degen sözi qoğamda ülken talqılau tudırdı. Bwl pikir onıñ äleumettik-ekonomikalıq jağdayğa qatıstı aytqan oyınıñ bir böligi bolğanımen, halıq arasında ärtürli qabıldandı. Biri bwl keñesti ünemşildikke şaqıru dep tüsinse, endi biri bilik halıqtıñ naqtı mäselelerin şeşudiñ ornına jauapkerşilikti azamattardıñ özderine audarıp otır dep sın ayttı.

Ükimettiñ keñeytilgen otırısında qozğalğan qosımşa qwn salığı (NDS) köteru bastaması bastalıp jatqanda Toqaevtıñ halıqqa  «Körpege qaray kösilu» wsınısı vice-prem'er Serik Jwmanğarinnıñ «Qosımşa qwn salığı engizilgennen keyin tauar bağası 5-6% qımbattauı mümkin» degenine sayğanday. Tauar bağası Jwmanğarin aytqanday 5-6% emes odan eselep asıp ketse körpege kösilip emes büktelip te sıymay qaları anıq.

Toqaevtıñ bwl mälimdemesi äleumettik jelilerde qızu pikirtalas tuğızıp halıq pikirin ekige jardı. Onı qoldauşılar bwl sözdiñ astarında aqılğa qonımdı keñes bar dep esepteytinin ekonomikalıq twraqtılıqqa qol jetkizu üşin ärkim öz şığındarın baqılap, ısırapşıldıqtan arıluı tiis, halıqtıñ qarjılıq sauattılığın arttıru qajettigin arttıru kerek degendi eskertti dese sınauşı köpşilik bwl sözdi biliktiñ ekonomikalıq qiındıqtardan halıqtı öz betinşe şığuğa itermelep otırğanınıñ belgisi retinde qabıldadı. Äsirese, halıqtıñ tabısı tömendegen, bağa ösip jatqan şaqta mwnday wstanım sınğa ilikti. «Qarapayım halıq körpesine qaray kösiledi, al şeneunikter şe?» degen swraq jii qoyıldı.

Bwl turalı biraz ekonomister halıqtıñ äl-auqatın jaqsartu üşin tek ünemdeudi emes, kiristi arttırudıñ naqtı joldarın qarastıru qajet. Memleket äleumettik tölemderdi köbeytu, şağın jäne orta biznesti damıtu, jwmıs orındarın aşu sekildi şaralardı küşeytui kerektigin aytuda.

Prezidenttiñ «Körpeñe qaray kösil» degen sözi qoğamda ärtürli pikir tudırdı. Birazı onı ömir süru dağdısın özgertuge şaqıru dep täpsirlese, qoğamnıñ köp böligi äleumettik mäselelerdi şeşudegi biliktiñ jauapkerşiligin eske saldı. Bwl pikirtalas bilik pen halıq arasındağı senim deñgeyin tağı bir ret körsetip berdi. Eñ bastısı, mwnday pikirler eldiñ ekonomikalıq sayasatındağı özekti mäselelerdi aşıq talqılauğa sebep boluı tiis.