Foto: https://cdn

Qazir AQŞ üşin bastı bäsekeles – Qıtay. Bwl turalı AQŞ Kongresiniñ Senatı men Ökilder palatasına alğaşqı ündeuinde Djo Bayden mälimdedi.

«Biz HHİ ğasırda jeñiske jetu üşin Qıtaymen jäne basqa eldermen bäsekelestik jağdayında twrmız. Amerika köşbasşı memleket ekenin däleldeu kerek», – dedi Bayden. Sonımen birge, Aq üy basşısı otandastarın qoğamdağı tereñ polyarizaciyanı, partiyaaralıq bölinisterdi jeñuge şaqırdı.

Naurızda AQŞ-tıñ wlttıq qauipsizdik strategiyasına baylanıstı qwjat jariyalandı. Qwjatta Resey «halıqaralıq arenadağı twraqsızdandıruşı», al Qıtay Amerika üşin «qauipti äri jetekşi qarsılas» retinde körsetilgen. Qauipsizdik strategiyası jariyalanğan soñ memlekettik departamenttiñ ökili Ned Praystıñ mälimdemesinde: «Qıtay – bizdiñ negizgi bäsekelesimiz. Qıtay biz üşin XXI ğasırdağı bastı geosayasi qarsılas sanaladı. Basqa memlekettermen, äsirese Reseymen salıstırğanda Qıtaydan tönetin qauip joğarı. Resey aymaqtardağı ıqpalın qamtamasız etuge tırısadı. Alayda, Resey Qıtay siyaqtı äleuetke, mümkindikterge ie emes», – dedi.

AQŞ tarapı Qıtay men Reseydegi adam qwqıqtarı mäselesin jii köterip keledi. 17 aqpanda Bayden Qıtay biliginiñ Şıñjañdağı äreketin ayıptap, adam qwqıqtarın bwzuı jauapsız qalmaytının eskertken. Sol küni Bayden mälimdemesinde: «Men BBW-da jäne özge de halıqaralıq wyımdarmen adam qwqıqtarın qorğaudı jalğastıramın. Qazir Qıtay älemdik köşbasşı boluğa tırısadı. Bwl ataqqa ie bolu üşin basqa memleketterdiñ senimine ie boluı kerek. Al Qıtay biligi adam qwqıqtarın öresel bwzıp keledi. Mwnıñ jauapsız qalmaytının eskertemin. Şi Jiñ Piñ bwl ärekettiñ qanday nätije beretinin jaqsı biledi», – dedi.

"The Qazaq Times"