Saud hanzadası Türki äl-Fayzal Bahreynde Izraildı auır sınğa aldı. Foto: Leaders MENA

Evrey men keybir arab elderiniñ ıntımaq ornatuı  Orta Şığıstağı tarihi oqiğa qatarında bağalanğan edi. Izrail' men Bahreyn jäne Birikken Arab Ämirligi AQŞ-tıñ ara ağayındıq etuimen birqatar tarihi kelisim jasasıp, tatulıqqa bet bwrıp kele jatqan. Biraq, Bahreynde ötken qauipsizdik sammitinen keyin evrey-arab ıntımağınıñ bolaşağı äli de bwldır ekeni bayqaldı.

Tatulıq kelisimderinen keyin Bahreyn men BAÄ tarabı Izrail' ökilderin jılı qarsı alğan. Biraq, sammitte Saud Arabiyasınıñ bedeldi hanzadası Türki äl-Faysal Izrail'di auır sınnıñ astına alıp, evrey SİM basşısın asa bir ıñğaysız jağdayğa qaldırdı. Nätijede, Palestin mäselesi tübegeyli şeşim tappay evrey men arab arasındağı kirbeñdiktiñ seyilmeytini anıq boldı.

Izrail'-Palestin tarihi qayşılığı Izrail' men özge arab elderi arasındağı ekijaqtı qarım-qatınastardı qalpına keltirumen şeşile salmaydı. Palestina keybir arab elderiniñ Izrail'men ıntmaq ornatuı arab müddesin satıp, Palestinanıñ tu sırtınan pışaq salu dep sanaydı.

Atalğan jiında hanzada Türki äl-Faysal Izrail'ge bağıttağna eñ ädepti, jwmsaq sözderiniñ özi «qulıq-swmdıq pen Palestinanı otarlauşı», «Batıs elderiniñ Orta-Şığıstağı qolşoqparı» degender boldı. Ol sonday-aq, Saud korol'digi «Arab beybitşilik bastaması» kelisimin twraqtı wstanatının aşıq ayttı. Atalğan kelisim 2002 jılı jasalğan, onda Palestinanıñ 1967 jılğı territoriyası qalpına keltirui kerek degen wstanım negiz etilgen.

Izrail'diñ Sırtqı ister ministri Gabi Aşkenazi Saud hanzadasınıñ sözderi üşin ökiniş bildirdi. «Meniñ oyımşa, bwl pikirler qazirgi Orta Şığısta bolıp jatqan procesterge say emes», – dedi evrey SİM jetekşisi.

Orta Şığıstağı tereñ tamır tartqan qayşılıq tek memleketter arasındağı sayasi jağdaylardan ğana qalıptaspağan, qayşılıqtardıñ tüp negizinde senimderdiñ wqsamastığı da öziniñ quattı ıqpalın körsetip otır. Onıñ üstine batıstıq derjavalardıñ bwl aymaqta türki jobalardı jüzege asıruda meylinşe mol täjiribesi bar. Öñirdegi arab elderiniñ arasındağı bolmaşı alauızdıqtardan paydalana otırıp, evrey memleketi öziniñ ırıqtı oyınşı ekenin körsetip keledi.

“The Qazaq Times”