Jañadan şımıldığın aşqan «Qaradala» halıq teatrı Abaydıñ «Eskendir» poemasın sahnaladı.

2 qaraşada  B.Rimova atındağı Taldıqorğan drama teatrında Wyğır audanında şımıldığın aşqan «Qaradala» halıq teatrı  A.Qwnanbaevtıñ poemasınıñ jelisimen «Eskendir» qoyılımınıñ prem'erasına arnalğan press-konferenciya ötkirip qoyılımdı körsetti. Ataulı şarağa QR Halıq artisi Twñğışbay Jamanqwlov, QR eñbek siñirgen qayratkeri Bekjan Twrıs, sonday-aq Almatı oblısı mäslihatınıñ deputatı - Izğarbek Bektwrsınov, qoyuşı-rejisser - Asqar Naymantaev jäne audan äkiminiñ orınbasarı Qadırjan Isahanov qatısadı.

«Eskendir» - Abaydıñ gumanistik közqarasın tereñirek tanıtatın eleuli syujetti tuındısı. Şığarma Şığısta Eskendir Zwlqarnayın degen atpen belgili, Europada Aleksandr Makedonskiy atalatın ejelgi grek qolbasşısınıñ ömiri jayındağı añızğa qwrılğan. Avtor Eskendirdiñ ömirbayandıq derekterin däl keltiredi de, onıñ dünie jüzin jaulap almaq bolğan şapqınşılıq sayasatın sınauğa auısadı. P'esada jauızdıqqa jeteleytin toyımsızdıq ekenin körsete kelip, ädildik, danalıqtı soğan qarsı qoyadı.

Almatı oblısı mäslihatıniñ deputatı Izğarbek Bektwrsınov aqsaqal Narınqolda «Hantäñiri halıq teatrın» qayta aşıp jatqanın estip, «Qaradala öñirinde de osınday öner oşağı aşılsa, soğan jön siltep, jol körsetip jiberşi?»-dep Asqar Naymantaev pen belgili prodyuser Edige Qojahmetti Şonjığa şaqıradı. Audan äkiminiñ orınbasarı Qadırjan Isahanov, audandıq mäslihattıñ törağası Nwräkim Esjanov,  Mädeniet üyiniñ direktorı Saltanat Ermwhametova, öner janaşırları Jännet Kerimqwlov, Qanat Sartolovtar qatısqan aqıldasu jiını Asqar Naymantaevtıñ osı teatrdı aşu üşin alğaşqı qoyılımdı qoyuğa kelisim beruimen ayaqtaladı. Sol künnen bastap Izğarbek aqsaqal «Qaradala halıq teatrı» - dep at qoyğan teatr dayındıq jwmıstarın bastap, Abay Qwnanbaevtıñ «Eskendir» poemasın sahnalau jwmısı bastalıp ketedi.

Şığarmanıñ avtorı – Abay Qwnanbaywlı. Spektakl'diñ qoyuşı-rejisseri – Asqar Naymantaev.

"The Qazaq Times"